Donnerstag, 1. August 2019
როგორ იწყება ცვლილებები...
მე-19 საუკუნის შუა წლებისკენ ფეოდალურმა იაპონიამ ჩრდილო ამერიკისა და ევროპის ქვეყების ზეწოლის შედეგად, როგორც იქნა, 200 წლიანი იზოლაციის შემდეგ, ქვეყნის კარი გააღო.
რატომ გვჭირს ის, რაც გვჭირს?
დავიწყებ სულ თავიდან, მაგრამ ვეცდები მოკლედ. მოკლედ:
ქ რ ი ს ტ ი ა ნ ო ბ ი ს არსის გასაგებად ეს ფორმატი ვერ გვეყოფა, ამიტომ ქრისტიანობის ძირითად მახასიათებლებს და მის რამოდენიმე ვარიანტს განვიხილავ, მათ შორის, ჩემს საკუთარ მოსაზრებებსაც, მაშ ასე;
ქრისტიანობის ფესვები რომაელთა მიერ მართულ ებრაულ კულტურაში აღმოცენდა. მოგვიანებით ქრისტიანობა ხმელთაშუაზღვის აუზშიც გავრცელდა. ამასთან, ქრისტიანობაზე ძალიან დიდი გავლენა ანტიკურ, ბეძნულმა ჰელენიზმმა მოახდინა. ქრისტესა და ქრისტიანობის გაგება გაჭირდებოდა, რომ არა ძველი აღთქმა, რომელსაც ქრისტიანები ქრისტიანობის ქრონიკებივით კითხულობენ. ქრისტე, რომელიც ჩვენი წელთაღრიცხვის 28/30 წლებში გამოჩნდა საჯარო სივრცეში და იერუსალიმში აცვეს ჯვარს, ღმერთის მიერ ადამიანის უპირობო სიყვარულს და ასევე ყველა ცოცხალი არსების სიყვარულით შემოქმედებას, სამყარო-ღმერთი-ადამიანის ფილოსოფიის გამოხატულებას წარმოადგენს, სადაც ადამიანს ღმერთის დაკვეთის - სიყვარულის გავრცელება ევალება და ამდენად ევალება მისიონერობაც.
ქრისტიანობის მთავარი მონაპოვარი წიგნიერების გავრცელებაა, თუმცა ისიც არ უნდა დაგვავიწყდეს, რომ ქრისტიანობა ყოველთვის ანადგურებდა ადგილობრივ კულტურას, ან უკეთეს შემთხვევაში, ისრუტავდა მას და საკუთრად ხდიდა.
ქრისტიანობის ბევრი ვარიანტი არსებობს, აქედან ყველაზე გავრცელებული და ჩვენთვის ნაცნობი მიმდინარეობებია: კათოლიციზმი, პროტესტანტიზმი, მართლმადიდებლობა. ქრისტიანობის ერთ-ერთ ცენტრალურ რიტუალს საკრამენტი, ანუ საიდუმლო-რიტუალი წარმოადგენს, რომელიც ღმერთის უხილავი არსებობის ხილული განსხეულება და მასში მონაწილეობაა.
მართლმადიდებლობა 7 საიდუმლოს აღიარებს. ესენია: ნათლისღება, მირონცხება, ზიარება (ევქარისტია), სინანული, მღვდლობა, ქორწინება და ზეთის კურთხევა. 7 საიდუმლოს აღიარებს ასევე რომაულ-კათოლიკური ეკლესიაც, სადაც ისინი დაახლ. მე-13 საუკუნიდან დამკვიდრდნენ. თუმცა ზოგიერთ, კათოლიკების ჩატარებულ საიდუმლოს მართლმადიდებლები არ სცნობენ ჩატარებულად, თუკი ის მართლმადიდებელი სასულიერო პირის მიერ არაა განხორციელებული.
პროტესტანტული, ანუ ევანგელური ეკლესია მხოლოდ 2 საიდუმლოს აღიარებს, ესენია: ნათლობა და ზიარება, ანუ ევქარისტია, იგივე ყოველკვირეული წირვა ზიარების თანხლებით. ლუთერის მიხედვით, საკრამენტები ღვთიური სურვილი და ნიშანია, რომელთა წყალობითაც რწმენა ერთის მხრივ იღვიძებს, ხოლო მეორეს მხრივ მყარდება, თუმცა, ზეთისცხება და ზიარება ღვთიური სურვილი და ნიშანი არაა, თუმცა მათი ჩატარება ლუთერანულ ეკლესიაში დასაშვებია. ზიარების საიდუმლოს შესახებ ლუთერი დიდ კატეხიზმოში წერდა: „ხარ თუ არა შენ ამისი ღირსი, უფალი გაძლევს და აი, გაქვს მისი ხორცი და სისხლი ამ სიტყვების ძალით და მიიღე პური და ღვინო. შეიცანი და შეითვისე. რადგან სიტყვებზე დგას ჩვენი ყველა საძირკველი, თავშესაფარი და დაიცავი ყველა შეცდომისა და ცდუნებისაგან, რომლებიც გადაგხდა, ან წინ გელის“.
ლუთერმა (1483-1546) მაქსიმალურად გაფილტრა ქრისტიანობა არასაჭირო რიტუალებისაგან, დატოვა რა სიმბოლურად ყველაზე მნიშვნელოვანი ორი საიდუმლო, ხოლო ბიბლია თარგმნა ლათინურიდან ხალხისათვის მის საკუთარ, გერმანულ ენაზე, რადგან მისი აზრით, თუკი ხალხი რიტუალის აღსრულებაში საკუთარ ენაზე არ მონაწილეობს, ის რელიგიას ვერასოდეს გაითავისებს.
აქ მცირე ისტორიულ გადახვევას გავაკეთებ. როდესაც გერმანელი მოგზაურები შორეულ წარსულში თავიანთ ადრეულ ჩანაწერებს აკეთებდნენ რუსეთზე, მათ შორის განცვიფრებულნი აღნიშნავდნენ, რომ რუსი მღვდლები საეკლესიო რიტუალის აღსრულებისას, ხშირად ზურგით შებრუნებულნი მრევლისაგან, რაღაც ჯადოქრობებს სჩადიოდნენო, ხოლო როდესაც მრევლს შემოუტრიალდებოდნენ, ისეთ ენაზე საუბრობდნენ, რომ მრევლს მათი არაფერი ესმოდაო.
როდესაც მიხეილ ლომონოსოვმა (1711-1765), პირველმა რუსულ სამყაროში, ენის რეფორმის საჭიროება გააჟღერა, მან ერთიანი რუსული სახელმწიფო ენა კი არა, ყველა ფენისათვის შესაბამისი ენის სტილი, ე.წ. სამი სტილის თეორია შეიმუშავა: მაღალი, ანუ პრესტიჟული სტილი, იგივე საეკლესიო სლავური, ანუ „ცერკოვნოსლავიანსკი“, საშუალო სტილი ბიუროკრატიისა და ოფიციოზისათვის და დაბალი, მდაბიო ხალხის სასაუბრო ენა. ცხადია, დაბალ ფენას არც მაღალი და არც საშუალო სტილი არ ეხერხებოდა, შესაბამისად საშუალო ფენასაც საჭირო ხანგრძლივი მეცადინეობის გარეშე ძველ წიგნებში, არ ესმოდა „ცერკოვნოსლავიანსკი“, მეტიც, რუსეთის დიდგვაროვნები ფრანგულ ენაზე საუბრობდნენ და არ მეტყველებდნენ რუსულად მანამ, სანამ 1812 წელს მოსკოვში შესულმა ნაპოლეონმა არ გადაწვა ქალაქის ნაწილი და არ დააფიქრა რუსები, რატომ იყო საჭირო, ესაუბრა მტრის ენაზე. სწორედ ამ დროისათვის ევლინება რუსეთს პუშკინი (1799-1837), რომელმაც თავისი შემოქმედების ენად სახალხო რუსული გახადა, თუმცა რუსული ლიტერატურა ვერ იქნებოდა ისეთი, რომ არა ლიტერატურის კრიტიკოსი ბესარიონ ბელინსკი (1830-1848). ჩემის აზრით, ლიტერატურას არა მწერლები, არამედ კრიტიკოსები ავითარებენ, ანაც ისეთი მწერალ-კრიტიკოსები, რომლებსაც ქვეყნის პულსზე უდევთ ხელი, როგორებიც იყვნენ რუსეთისათვის, მაგალითად ჩეხოვი და ტურგენევი, საქართველოსათვის ვაჟა და ილია და ა.შ. ოქტომბრის რევოლუციამდე რუსეთი პრაქტიკულად კვლავ ამ სამ ენაზე საუბრობდა. ცერკოვნოსლავიანური ხმა ეკლესიების ნგრევასთან ერთად შეწყდა. ლენინის მოკლე ვადიანი კორენიზაცია მალე სტალინის „საერთო ენამ“, რუსულმა ჩაანაცვლა და 1944 წლიდან იგი ყველა საბჭოთა სკოლაში სავალდებულო, მეორე ენად იქცა, ხოლო მშობლიური ენა მხოლოდ მოკლე არეალზე სამოძრაოდ, ფოლკლორის ძეგლების აღმწერ ენად ფორმირდა. დაიწყო დიდი საბჭოთა „ჰომოსოვიეტიკუსის“ პროექტი, რომრელმაც საბჭოთა კავშირის დაშლამდე იარსება, თუმცა ინერციით მერე გაგრძელდა და რომელიც საქართველოში რუსულის ინგლისურით ჩანაცვლებით, მოკლე წყვეტის (2003-2012) შემდეგ დღეს ისევ აღსდგა.
როდესაც გერმანიაში რეფორმაციის წლებში რწმენის ამოსავალ წერტილად ლუთერმა ბიბლია გამოაცხადა, ამას შედეგად ეკლესიები დაიცალა ხატებისა და ე.წ. სხვადასხვა წმინდა ნაწილებისაგან, ზოგ შემთხვევაში პროტესტანტი მრევლი ეკლესიის აღკაზმულობას ფანჯრიდან და ღია კარიდან პირდაპირ გარეთ ყრიდა, რის შედეგადაც შვილი - დედას ან მამას, ან - ორივეს, და - ძმას, ნათესავი - ნათესავს, ყმა - ბატონს, ბატონი - ყმას გაემიჯნა და დაიწყო მასიური მიგრაცია: თანამოაზრეები იხიზნებოდნენ, დიდგგვაროვნები ახალ ქვეშევრდომებს იფარებდნენ,ან მათ ემშვიდობებოდნენ. სწორედ ამიტომ ლუთერანელებს, ანუ პროტესტანტებს ეკლესიის მგმობელებად და კულტურის გამანადგურებლად მოიხსენიებდნენ.
ცნობილია, რომ სკანდინავიაში ქრისტიანობა დაახლ. 999 წელს გავრცელდა. სკანდინავიელებისათვისაც ორგანული სწორედ პროტესტანტული ქრისტიანობა აღმოჩნდა. მიუხედავად იმისა, რომ ნორვეგია, მაგალითად, დიდი ხნის განმავლობაში დანიის მიერ იყო დაპყრობილი და იქ მღვდლებად და მაღალ ფენად დანიელები გვევლინებოდნენ, დანიელი მღვდლები ხშირად სოფელ-სოფელ დადიოდნენ და ნორვეგიული ენის ნიმუშებს იწერდნენ, მოსახლეობას ბევრ სხვადასხვა საკითხში მეგობრულად ეხმარებოდნენ.
(სკანდინავიური და საბჭოთ ენობრივი პოლიტიკის რამდენიმე ცენტრალური ასპექტის შესახებ იხილეთ აქ:)
სოლიდარობაა ის სიძლიერე, რაც სკანდინავიელებს სხვა ქვეყნებისაგან ასე გამოარჩევს და მათ მსოფლიო ინდექსების მიხედვით ერთ-ერთი მოწინავე ადგილი უკავიათ ეკონომიური წარმატების და მოსახლეობის ბედნიერების თვალსაზრისით.
სწორედ სკანდინავიაა ის ადგილი, სადაც პირველი ე.წ. „საბაჟო დაფები“ გაჩნდა. საბაჟო დაფებზე ყველა მოსახლე ვალდებული იყო ღიად დაეწერა, თუ რა თანხას გაიღებდა ის საყოველთაო კეთილდღეობისათვის. მდიდარ მოსახლეს შესაბამისად დიდი საწევროს გადახდა ევალებოდა, ხოლო სიკეთე არა მალულად, არამედ ყველას დასანახად კეთდებოდა. ცნობილია, რომ გამჭვირვალობა და კონკრეტული პოზიტიური მაგალითები ადამიანებს არა მხოლოდ მხნეობას მატებენ, არამედ ის კარგი ორიენტირია შედარებისათვის, საზომად და პიროვნების გასაზრდელადაც. „ქვაზე დადებული“, ჩუმად გაკეთებული სიკეთე, რასაკვირველია, დასაძრახი არაა, როცა საქმე ქველმოქმედებას ეხება, იქ ეს სრულიად დასაშვებია.
ე ნ ა ზ ე, კულტურის ამ მნიშვნელოვან ასპექტზე, შემთხვევით არ შევჩერებულვარ. ის, რომ ცნობიერება (სასაუბრო) ენის მეშვეობით ყალიბდება და ყოფიერებას, ყოფნას განსაზღვრავს, დიდი ხანია ცნობილია. ინსტიქტურად კი ეს ყოველმა ადამიანმა იცის. ამ ინსტრუმენტს განსაკუთრებით დომინანტი ჯგუფები ან ინდივიდები იყენებენ. ყველაზე მარტივი მაგალითია საუბრის უფლების ჩამორთმევა. მათ შორის, პატრიარქალური კულტურაც სწორედ ამ მძლავრ იარაღს იყენებს, განსაკუთრებით ქალებისა და ჩაგრული ჯგუფების მიმართ, სადაც კომუნიკაცია, ისიც მაქსიმალურად შეზღუდული, ან შინაარსისაგან დაცლილია და მხოლოდ ერთი მიართულებით ხორციელდება: ზემოდან ქვემოთ. დიქტატორულ სახელმწიფოშიც მხოლოდ ძლიერები საუბრობენ, ხოლო ჩაგრულები ან სდუმან, ან მათი ენა სრულიად გამოუსადეგარია სახელმწიფო და გლობალურ სისტემაში ინტეგრაციისათვის. ამისი კარგი მაგალითია საქართველო თავისი გამოუსადეგარი ქართული ენით, რომელზეც საჭირო ინფორმაცია არც ერთ სფეროში თითქმის არ მოიძებნება.
ენის სახელმწიფო საზრუნავად გადაქცევის პიონერები ფრანგები იყვნენ, ხოლო მსოფლიოში ენის პირველი ასეთი ოფიციალური ინსტიტუცია სწორედ 1635 წელს დაარსებული Academie francaise-აიყო. დღეს სხვადასხვა სამინისტროსთან 18 ტერმინოლოგიური კომისია მუშაობს, რომლებსაც ანგლიციზმების ფრანგულად თარგმნა ევალებათ. ენასთან პურისტული მიდგომა აქვს ისლანდიასაც, თუმცა მასშტაბები იქ გაცილებით მცირეა.
ძალიან გამიგრძელდა ევროპის მიმოხილვა,თუმცა რეალური ცვლილებები მართლაც კულტურათა შორის გაცვლა-გამოცვლას მოაქვს. პირველ რიგში ცვლილებები ზუსტად ცნობიერებიდან იწყება- სადამდეც მოგდევს ცნობიერება, ზუსტად იქამდე გწვდება ცვლილებების სურვილიცაა და მოტივაციაც. ჩვენ ერთი ძალიან კარგი გამოთქმა გვაქვს: შეჩვეული ჭირი გერჩივნოს შეუჩვეველ ლხინსაო. გერმანელებს კი ასეთივე სამართლებრივი ნორმაც კი გააჩნიათ- „შეჩვეული პირობები“, რომლის მყისიერი შეცვლა არ შეიძლება.
ზუსტად ეს გახდა იმისი მიზეზი, რომ აუხსნელი ლხინი, ანუ სახელმწიფოებრივი კეთილდღეობა და მისთვის ბიუჯეტში გადახდილი გადასახადი, რომელსაც ნებისმიერი ევროპელი სავალდებულოდ იხდის, გუბაზ სანიკიძემ „მიშას ქურდულ წილად“ მონათლა. მაგალითისთვის, რომ ყოფილიყო თავის დროზე თანამედროვე სახელმწიფო ბიუჯეტის მდგენელები ახსნილი თუნდაც ერთ ბუკლეტზე და ეს ბუკლეტები იუსტიციის სახლებში დაგ(ვ)ერიგებინათ, ამას წაიკითხავდნენ პირველ რიგში ახალგაზრდები, ბავშვები, რადგან ისინი ძალიან ცნობისმოყვარენი არიან, ყველაფერს კითხულობენ და როდესაც მათ დაბერებულ მშობლებს ან გაუთვითცნობიერებელ სოფლელ ბიძაშვილებს გუბაზი და სხვა „ოცნების“აქტივისტები მარშუტკებით მიადგებოდნენ, ზუსტად ეს ბავშვები აიგდებდნენ მათ სასაცილოდ. შური არა მხოლოდ ბიძინამ იძია ქართულ სახელმწიფოზე, არამედ მისმა ბუნებრივმა მოკავშირემ - მოხუცმა და გაუნათლებელმა თაობამ.
რეალურად საქართველომ რამოდენიმეჯერ გაარღვია სივრცე მომავლისაკენ და ეს სამივე ჯერზე ენისა და ცნობიერების გადახალისებით დაიწყო. თავისთავად დასაწყისი იყო დამწერლობა, რომელიც დიდი ალბათობით ქრისტიანობამ განავითარა. პირველი სერიოზული ნახტომი საქართველომ ადრე რენესანსის ხანაში გააკეთა, საზღვარგარეთ კულტურული კერების აღოძინებით. როდესაც ათონის მონასტერში გამწესებულ გიორგი მთაწმინდელს იქ მყოფმა ბერებმა ენა და რწმენა დაუწუნეს, მან ხელმეორედ თარგმნა ბიბლია და თარგმანში ყველგან „ელინი“-ს მაგიერ „წარმართი“ ჩასვა. ასე იძია შური გიორგიმ მათზე. როგორც სჩანს, ბერძნულ-ქართული მეგობრობასთან ბერძნულ-ქართული კონკურენციაც თანაარსებობდა. სწორედ ამ კონკურენციამ დაბადა ის განვითარების ტალღა, რამაც შემდეგ ადრეული რენესანსი ააზვირთა და ქვეყანა რუსთაველამდე მიიყვანა. აქ შეგნებულად გამოვტოვებ სულხან-საბასა და იტალიელი მისიონარების მოღვაწეობას, რომელსაც, მართალია დიდი გარდატეხა არ მოუტანია, მაგრამ დუღაბი იყო საქართველოს სახელწიფოს მომავალი არსებობისათვის.
შემდეგი დიდი განვითარების ტალღა 1832 წლის შეთქმულთა ქვეყნის გარეთ გასახლებამ გამოიწვია. 145 აჯანყებული დაამგზავრა ცარისტულმა რუსეთმა რუსეთის გუბერნიერბში, მათ შორის პოლონეთშიც. შეთქმულთა უმეტესობამ პირველ რიგში უცხო კულტურის ათვისება და ამ კულტურიდან ქართულ ენაზე თარგმნა დაიწყო. გიორგი ერისთავმა, მაგალითად, რომელიც ასევე აჯანყებულთა რიგებში ირიცხებოდა და პოლონეთში იქნა გადასახლებული, სწორედ პოლონეთში გაიცნო თეატრის ხელოვნება და პოლონელი დრამატურგის, ალექსანდრე ფრედროს მიბაძვით დაწერა თავისი კომედია „გაყრა“, რომელიც პირველი ქართული თეატრალური ნაწაროები იყო და რომელიც პირველი გიმნაზიის სცენაზე დაიდგა. დიმიტრი ყიფიანი, ალექსანდრე ჭავჭავაძე, სოლომონ დოდაშვილი-ყველანი გადასახლებულები იყვნენ, რომლებიც თარგნმნიდნენ, თარგმნიდნენ და თარგმნიდნენ უცხო კულტურას ქართულ ენაზე. სოლომონ დოდაშვილი საერთოდ პირველი კანტის მიმდევარი იყო თვით რუსეთშიც კი, ნიკოლოზ ბარათაშვილის მასწავლებელი და ალბათ საუკეთესო პედაგოგი თავისი საუკუნისა.სამწუხაროდ იმ 145 კაციდან მხოლოდ ის გარდაიცვალა გადასახლებაში.
მესამე ტალღა კი 2003 წლიდან წლიდან დაიწყო საქართველოში. ამას აქ აღარ აღვწერ გასაგები მიზეზების გამო.
კონსუმი
ზემოთ მოყოლილ ამბებში ჩემთვის ერთი რამაა ძალიან საინტერესო: სურათ-ხატებისა და ენისა და ტექსტის ჭიდილი სხვადასხვა კულტურებში. სურათებიცა და ტექსტიც, დღევანდელი გაგებით, მეტნაკლებად კონსუმია. კონსუმი მოხმარების საგნებია, რომელიც ადამიანს დასაბამიდან მოჰყვება. კონსუმი შესაძლოა სათემო კუთვნილებაც იყოს, რაც სოციალურ ჯგუფებს ერთმანეთთან კრავს. კონსუმის ინდივიდუალიზირება მე-15 საუკუნიდან იწყება, ინგლისში აღმოცენებული ბეჭდვის ტექნოლოგიითა და ბამბის წარმოებით. მოგვიანებით იწყება კონსუმის მოჭარბებული მოხმარება, მათ შორის „მშვენიერი ნივთებისა“.
დღეს, თანამედროვე მეცნიერებებს უკვე კარგად აქვთ შესწავლილი კონსუმის ადამიანზე ზემოქმედების მექანიზმები, რასაც მანიპულაციებისათვის კარგად იყენებდნენ და იყენებენ როგორც პოლიტიკური სისტემები, ისე დიდი კონცერნები.
ამაოდ არ მიაჩნდა ლუთერს ზედმეტი კონსუმი სურათ-ხატების სახით ქრისტიანობისათვის დამაბრკოლებელ გარემოებად, რომლის ცენტრალური საყრდენი ბიბლია იყო, ხოლო დანარჩენი ზედნაშენი სიწმინდეეები მხოლოდ ადამიანის ფანტაზიის ნაყოფი. სწორედ ბიბლია იყო დასავლური ცივილიზაციებისათვის სახელმწიფოებრიობის მძლავრი იმპულსი, სადაც მცნებებს ქცევის კოდექსის მნიშვნელობა ენიჭებოდა, ხოლო ქრისტიანული მორალი მაშინდელ ეკონომიკას არეგულირებდა.
მორალისა და ეკონომიკის ჭრილში საინტერესოა ერთი ეპიზოდი საქართველოს ისტორიიდან. ცნობილია, რომ მთიელები და ფშავ-ხევსურები ძალიან გვიან და ისიც ზედაპირულად გაქრისტიანდნენ.იყო ფაქტები, როდესაც მთიელები იქ მივლენილ მღვდელს ხშირად უკან აგზავნიდნენ. არადა როგორც კი ბარს მტერი შემოესეოდა, მთიელი ამხედრებული მეომრები ქალიან-კაციანად რამოდენიმე საათში ბარში იყვნენ გაჩენილები, მირეკ-მორეკავდნენ მტერს და ისევ სახლებს უბრუნდებოდნენ. მკაცრი პირობებისა და სიღარიბის გამო მათ არ შეეძლოთ ეხადათ ზედმეტი გადასახადები ეკლესიისათვის, რადგან შეზღუდული შესაძლებლობები მღვდლის შენახვის ფუფუნებას არ იძლეოდნენ. სწორედ ამიტომ ვერ გაიდგა ფესვები მთაში ქრისტიანულმა ბიზანტიურმა, პომპეზურმა კულტურამ, რომელსაც ფუფუნებისა და კონსუმის დიდი მოთხოვნილება ჰქონდა.
სწორედ ამ მკაცრი პირობების გამო მთიელების ეკონომიკა ძირფესვიანად განირჩევა ბარის ქართველების ეკონომიკისაგანაც, ზუსტად ისევე, როგორც სკანდინავიისა დანარჩენი ევროპული ქვეყნებისაგან. ყველაზე ნათლად ეს ქალებთან მიმართებაში ჩანს. თუკი, მაგალითად, ბარში ქალის გასათხოვებლად მზითევი იყო საჭირო, მთაში კაცის ოჯახს პატარძალი მამის ოჯახიდან უნდა გამოესყიდა, რადგან მამას ოჯახში მუშა-ხელი დააკლდებოდა. სექსის და ამდენად დემოგრაფიის საკითხებს მთაში ისეთი სპეციფიური კანონები, თუ ქცევის წესებიც არეგულირებდნენ, როგორიც იყო, მაგალითად ქალ-ვაჟთა წაწლობა.
ასევე საინტერესოა ერთი ეპიზოდი ცივილიზებული დასავლეთის ისტორიიდან. 1980-იან წლებში, როდესაც მსოფლიოს შიდსის ეპიდემია მოედო, მყისიერად გაიზარდა მოთხოვნა ილუსტრირებულ ჟურნალებზე, განსაკუთრებით კი ნახევრად ან სრულიად გაშიშველებული ქალების გამოსახულებებზე. კაცებისათვის გამოშვებულმა ჟურნალებმა რეკორდული მოგება დაიწერეს. მიზეზი აღმგზნები გამოსახულებებით სუბლიმირებული მამაკაცის სექსუალობა იყო, რომელსაც რეალური სექსის, ან მეორე სხეულთან კონტაქტისა და დაინფიცირების შიშით ვიზუალურად გამოსახული ესთეტურობა და საკუთარი ფანტაზიით შექმნილი კინო ერჩივნა. დღეს მეცნიერებამ ისიც იცის, რომ ერთსა და იმავე გამოსახულებას კაცები და ქალები სხვადასხვაგვარად აღიქვამენ. მაშინ, როდესაც ქალები იქ პირველ რიგში წარწერებსა და ორივე სქესის სახეებს უმზერენ, მამაკაცი მხოლოდ ქალის სახეს, მკერდს, ფეხებს უყურებს, ხოლო იქვე განთავსებულ ტექსტს, ან სხვა გამოსახულებას ის არ კითხულობს. ზუსტად ამ მიზეზის გამო კითხულობენ ქალები ზოგადად უფრო მეტს (ვეფხისტყაოსანსაც ამიტომ ატანდნენ ქალს), ვიდრე კაცები. კონსუმისა და მშვენიერების ხიბლს თავდაპირველად სსრკ-მაც დაუხარა თავი და ფუტურისტების მიერ კვლავაღმოჩენილი ანტიკური „რაც მშვენიერია, კარგია“ საკუთარი დოქტრინის ნაწილად გაიხადა, რითაც თავისკენ მიიმხრო მოსახლეობის საკმაო ნაწილი, თუმცა ისევ ძალიან მალე შებრუნდა ფორმულა შუასაუკუნეების- „რაც კარგია, მშვენიერია“-დ. რასაც ასევე მოჰყვა დისციპლინა სკოლებში და სტალინის მიერ „სქესთა განცალკევება“- ვაჟთა და ქალთა ცალ-ცალკე სწავლება. თამაშის, მუსიკის, ესთეტიკის აკრძალვა, ან საკუთარ ჩარჩოებში მოქცევა საერთოდ საბჭოთა კავშირის ერთ-ერთი ძირითადი ამოცანა იყო. იგივე ითქმის რეპროდუქციისა და სექსის საკითხების შესახებაც, თუმცა რუსეთის ფედერაციული რესპუბლიკა ქალებისადმი ლმობიერი მოპყრობით გამოირჩეოდა, რაც იქ არსებულ სექსის ეკონომიკაზეც აისახებოდა, ხოლო კავკასიასა და აღმოსავლეთში სექსი ნარკოტიკებთან ერთად კრიმინალურ და სადამსჯელო ინსტრუმენტად გადაიქცა.
ზუსტად ამ ინერციებით მოდის საქართველო დღესაც. როდესაც საბჭოთა კავშირი დაიშალა, რუსეთის მიერ დანერგილმა და გამძაფრებულმა პატრიარქალურმა ქცევის წესებმა ქალების მყისიერი გაღატაკება გამოიწვია. როდესაც აღარ არსებობდა სახელმწიფო დაცვის მექანიზმები, ხოლო ქონება მთლიანად კაცებზე გადანაწილდა. ამის დასტურად ჩემი საკუთარი ოჯახის ისტორიაც კმარა, რომელიც ძალიან გვიან აღვიქვი, სადაც ორივე მშობლების მშობლები დიდგვაროვანი თავადები იყვნენ, რომლებმაც ქონებაცა და მიწებიც კოლმეურნეობას ჩააბარეს. საქართველოს დამოუკიდებლობის გამოცხადებსათან ერთად კი ბებიას, მაგალითად, უკვე აღარაფერი ეკუთვნოდა, რადგან ის ქალი იყო. ბაბუა დიდი ხნის წინ საბჭოთა არმიის საიდუმლო ნაწილის ოფიცრად გარდაიცვალა, ხოლო მეორე ბებია-ბაბუის მთლად მეთორმეტე საუკუნის ეკლესია და მამულები თავისი ტოპონიმიკით, სადაც წყაროებსა და ადგილებს ჩემი წინაპრების სახელები ჰქვიათ, რაიონის ადგილობრივმა საძმოებმა, კაი ბიჭებმა და ბანდის წევრებმა გაიყვეს, რადგან გოგოებს მიწები რად უდოდათ, მაინც უნდა გათხოვილიყვნენ. იგივე დატრიალდა ასიათასობით ოჯახებში ქალების თავზე, რის შედეგადაც ქალები პირდაპირ, ან ირიბად იძულებულნი გახდნენ დაეტოვებინათ ქვეყანა, რადგან ჯუნგლებში ან უნდა გაიქცე, ან ხერხს მიმართო და რამენაირად თავი გადაირჩინო.
კაპიტალიზმი კუნკურენციააო, იტყვის მავანი, მაგრამ ასეთი მასშტაბური მიგრაცია, განსაკუთრებით ქალებისა არ ახსოვს ალბათ ამ საუკუნეს. აქაც მავანი იტყვის, ქალებთან ერთად კაცებიც გაუდგნენ გზასო, მაგრამ სუბკულტურები ყოველთვის კარგად ასახავენ ხოლმე ადგილობრივ განწყობებს (https://www.youtube.com/watch?v=WAydbyBu4C4) ისევე, როგორც ჩვენებური „ბირჟები“. სიტყვა ბირჟაც ინგლისური Börse-დან მოდის, რაც ბაზარს, ანუ შესაკრებ, გასაყიდ ადგილს ნიშნავს. ბირჟებიც ხომ იგივე დაკვირვების ადგილებია, სადაც ინფორმაცია გროვდება, იფილტრება, ხარისხდება, იკვეთება ტენდენციები, იქმნება ისტორიები. სხვათაშორის სტატისტიკა ქმნის ისტორიას და არა პირიქით. თუმცა სტატისტიკასთანაც ყოველთვის კაცებს ჰქონდათ წვდომა ისევე, როგორც ამ ბირჟებსა და ეკლესიებშიც, სადაც კაცები მშვიდ გარემოში სწავლობდნენ, აანალიზებდნენ და იკვლევდნენ გარემოს, ადამიანებსა და მათზე ზემოქმედების საშუალებებს. იმისათვის კი, რომ ისინი თავიანთ ლიბიდოს არ შეეწუხებინა და ქალების დევნის მაგიერ და მშვიდად ეკვლიათ, მცენარეული ჰორმონალური პრეპარატების მიღებასაც არ ერიდებოდნენ. მაგალითად, Mönchspfeffer, რომელიც მართალია ქალის ჰორმონალურ ბალანსს აწესრიგებს, აქვეითებს კაცის ლიბიდოს და მას ანიჭებს კვლევებისა და მეცნიერული საქმიანობისათვის საჭირო სიმშვიდეს. ქალის ჩასახვის საწინააღ დეგო აბები, რომლებსაც ანტიბები პილეს ეძახიან და რომელიც 1960-იანი წლებიდან გამოვიდა ბაზარზე და რამაც სექსუალური განთავისუფლების ტალღა ააგორა, სწორედ კათოლიკური ეკლესიის მფლობელობაში მყოფ სამედიცინო საკვლევ დაწესებულებაში იქნა აღმოჩენილი.
სხვათა შორის, მუსიკაც ტვინის იმავე ზონებს ააქტიურებს, რასაც სექსი. კონსუმია ინტერნეტის და ილუსტრაციების მოხმარებაც. სექსმაც კარგა ხანია ინტერნეტში გადაინაცვლა, სადაც მას უსაზღვრო ვირტუალური შესაძლებლობები აქვს და მისი მოხმარებაც უსაზღვრო გახდა. პარადოქსია, თუმცა მილიონობით ინტერნეტ მომხმარებელი ცხოვრობს დიგიტალური „ინტიმური“ ცხოვრებით, რომელიც მას მხოლოდ სააბონენტო საფასური და ინფრასტრუქტურის - დენისა და აპარატის ფასი უჯდება, რეალური ცხოვრება კი გაცილებით ძვირია და პრობლემატურიც. სწორედ ამიტომ გახდა ფეისბუკი როგორც ინტიმური, ასევე სხვა ტიპის სოციალური ინტერაქციის ფუნქციის შემთავსებელი და ისეთი ღატაკი ქვეყნის მოსახლეობისათვის, როგორიც საქართველოა, პრაქტიკულად ეგზისტენციალურად მნიშვნელოვანი.
და სანამ ბიძინა მახათას გუმბათს, თუ მთლიანად კედლებს, ფერადი ნახატებით გაგვიფერადებს და სრულიად მოსპობს წიგნიერებას, სანამ ჩვენ იმაზე ვდაობთ, არის თუ არა „მიშტერების კანონი“-ს მიღება ადექვატური (არის, რადგან ასეა ევროპაშიც. მორალი ყოველთვის ვერ დაგიცავს მაშინ, როცა სხვადასხვა კულტურებს მორალის სხვადასხვა საწყაო აქვთ და მხოლოდ კანონი აწონასწორებს), უნდა იყოს თუ არა გოგონა ქალიშვილი და უნდა ისწავლებოდეს თუ არა თუნდაც ელემენტარული სქესობრივი საკითხები სკოლებში (უნდა ისწავლებოდეს, რადგან ასეა და მეტადაც ევროპაშიც), ხელიდან გვეცლება სახელმწიფო. ხოლო „შიშის“, დათესვით, რომ ბავშვები გაირყვნებიან, მოგებულები უფროსი და ასაკოვანი კაცები რჩებიან, სადაც მათია ბურთი და მოედანი და განსაკუთრებულად პატარა გოგონებიც, რადგან ისინი განცალკევებულნი არიან მათი თანატოლი ბიჭუნებისაგან და სანამ ეს ბიჭუნები საკუთარ სქესსა და სექსს აღმომაჩენენ, დიდმა ბიძიებმა ავად თუ კარგად უკვე მოიხმარეს და მიიღეს სხვისი წილი სექსიცა და სიყვარულიც. სწორედ ამ მიზეზის გამო მათ არ აწყობთ სახელმწიფოსა და პირველ რიგში კი, ახალგაზრდების გაძლიერება, რადგან კონკურენცია ასაკში პატარა საქმე არაა. შედარებით პროგრესული ნაწილი მამაკაცებისა კი, დანარჩენ კაცებთან სოლიდარობის გამო ან ჩუმადაა, როცა ქალებთან სოლიდარობაა საჭირო, ან ირონიულად იცინიან.
იცინეთ.
Montag, 26. November 2018
სიტყვები
ხომ სიტყვებით იწყება ყველაფერი, კარგი და ცუდი, გასაგები და გაუგებარი სიტყვებიდან, რომლებიც მეხივით თავზე გვატყდებიან, სეტყვასავით თავზე გვეცემიან, რომლებსაც ტყვიებად გვიმიზნებენ, რომლებსაც გვიყალბებენ, მნიშვნელობებს უცვლიან, ასწლობით ფასდადებულებს აუფასურებენ, უკვე გაუფასურებულებს გვიბრუნებენ, სახმარად დაობებულებსა მოუხეშავებს პირში გვიდებენ და ერთმანეთთან გვაუცხოებენ. რაც არის, იმის ათვისების საშუალებასაც არ გვაძლევენ, სად დარჩეს ახლების გამოგონება და უკვე მერამდენე ასწლეულია, სიტყვებს გვაყლაპებენ და ხშირად, სანამ ისინი აღმოცენდებიან, ზედ წყალს გვაგუბებინებენ.
რეგრესირებად, უკვე შეზღუდული აზროვნების მქონეებს სახრავადაც და კონსუმადაც ლექსებს გვიყრიან, ხოლო თუ ურჩობას გამოვიჩენთ, გვეტყვიან, რომ ლექსებს აღარ მოგვიძღვნიან და საერთოდ, აღარც მოგვასმენინებენ, ჩვენ არ ვართ ადამიანები.თავიდან გოგო იცინის ბიჭზე იმის გამო, რომ ის ბიჭი გოგოს თავისი ზაფხულის გეგმების შესახებ გრამატიკულად არასწორი ფორმებით უყვება და ეუბნება, რომ როდესაც ერთმანეთს ვნახავთ, "ძალიან ბევრი ვკოცნოდ და ვეხუტოდ ერთმანეთს"-ო. გოგო ასწავლის და ამბობს, რომ ეს სიტყვები ცოცხალი ზმნებია, ისინი მოქმედებას გამოხატავენ, ამიტომ მათი წარმოება მკვდარი ზმნიზედების სავრცობი -დ და -ოდ სუფიქსებით არ შეიძლება და ამბობს, რომ "ვკოცნოთ" და "ვეხუტოთ" თხაკიკინა თ-ების გამო ჭინკასავით ცოცხლდებიან, -თ მრავლობითი ფორმის ნიშანია, თვალსაჩინოდ.
გადის დრო და გოგო ხვდება, რომ დარაზმული გრამატიკის მცოდნე ინსპექტორები საჭმლის მაგიერ ერთმანეთით იკვებებიან, სჭამენ და ჰსვამენ ერთიმეორეს და ზუსტადაც რომ ის "ვკოცნოდ და ვეხუტოდ" ურჩევნია. იმასაც ხვდება, რომ ერთ სახელმწიფოში არათანაბარი განვითარების მიზანი პირველ რიგში შიდა დაქსაქსულობისა და მტრობის აღმოცენებაა.
კაპიტალიზმის კონტექსტიდან უშინაარსოდ ამოგლეჯილი "მუდმივი კონკურენცია" გაუნათლებელ თაობებს იაფ მუშა ხელად გადააქცევს, ხოლო დასავლეთში უკვე უიმედობის მუზეუმად ცნობილ თბილის-დედაქალაქს ახალი მერობის კანდიდატი კ.კალაძე ღამით გაცოცხლებას ჰპირდება. ფილმის სცენარი ლოგიკურ დასასრულს იღებს-ყველაფერი ყირაზე უნდა დადგეს.
სახელმწიფო გაერთიანებას შეფარებული პარაზიტები ერთი ხელით "ბოზებს" იჭერენ, ხოლო მეორეთი ახალგაზრდებს დაუნანებლად პროსტიტუციის ნედლეულად აწარმოებენ, სატელიტი პარტია-გაერთიანებები კი აქტუალური სიტუაციის მიხედვით, პროსტიტუციის ბიზნესის უსაფრთხოდ სამართავად, თავიანთი თავის პარლამენტში არჩევას ითხოვენ, რათა "შექმნან" "ადექვატური" კანონები.
მხოლოდ გერმანიაში, უმაღლესი აკადემიური პროფესიის გარდა, 360- ზე მეტი დასახელების პრაქტიკული დანიშნულების პროფესია ისწავლება, აქედან 360- ის სწავლა მის დედაქალაქ ბერლინშივეა შესაძლებელი. სწავლის ხანგრძლიობა მინიმუმ ორი , მაქსიმუმ სამნახევარი წელია. განათლებას სრულიად აფინანსებს სახელმწიფო.
დარჩა კიდევ რაიმე "წმინდა" მაგ ქვე-ყანაში?!
აზიური ფაროსანა (Halyomorpha halys)
არ შეწამლოთ ბოსტნები, მოიწამლავთ საკუთარ თავებს და შედეგი მაინც ნოლია. თუ რატომ, წაიკითხეთ ქვემოთ. სრული ინფომაცია ქართულად არ არსებობს.
აზიური ფაროსანა (Halyomorpha halys), რომელიც მოსავლის 70 %/ზე მეტს ანადგურებს, 300-მდე სახეობის მცენარეს ერჩის. ის იკვებება მცენარის ნაყოფის ტკბილი წვენით ისევე, როგორც ღრღნის პარკოსან მარცვლეულს - მათ შორის ყურძენს, კენკრას, ვაშლს, პომიდორს, სიმინდს, ლობიოს, თხილს, კაკალს და ა.შ.
10-მდე ფაროსანა საკმარისია მოკრეფილი ყურძნის ერთ დიდ ყუთში, რომ ღვინის გემო უვარგისი გახდეს. მან მხოლოდ იტალიაში რამოდენიმე მილიონის ზარალი მიაყენა მეურნეობას. იგი ჭამს ადამიანისა და ცხოველის საკვებ მცენარეებს. ხილსა და ბოსტნეულის ნაყოფს ისე აზიანებს მავნებელი, რომ მისი გაყიდვა შეუძლებელი ხდება.
ის გავრცელდა ამერიკაში 1990-იანი წლების მერე, ევროპაშიც. შვეიცარიაში ამბობენ, რომ მასობრივი ეპიდემია გარდუვალია და ეს მხოლოდ დროის საკითხია, თუმცა ფაროსანა დასავლეთ ევროპაში წელიწადში მხოლოდ ერთი თაობის გამოზრდას ასწრებს მაშინ, როცა თბილ ქვეყნებში 5-6 თაობის გამრავლბას ახერხებს.
ერთი მდედრი ფაროსანა ჯერზე 28 კვერცხს დებს, ხოლო წელიწადში 400-მდე კვერცხის დადება შეუძლია. ის თითქმის ყველგან ბუდობს. პატარა ღრიჭოებიც საკმარისია გასაძრომად, ძვრება ბუზების ბადეშიც. სიცივეში ეძებს თბილ ადგილს და იქ ელოდება გამოზამთრებას. ახლადგამოჩეკილი მწერები ათობით მეტრის ხის კენწეროზეც ძვრებიან.
ფაროსანას ერთადერთი ბუნებრივი მტერი, ნესტრიანი მწერი, ერთ-ერთი ჯიშის კრაზანაა (Trissolcus japonicus და Telenomus chloropus ), რომელიც თავის კვერცხებს ფაროსანას კვერცხებში დებს. როდესაც პატარა კრაზანა კვერცხიდან გამოძვრება, ფაროსანას კვერცხიც ნადგურდება. ამ მეთოდით ფაროსანას მომავალი თაობის 50 %-მდე ნადგურდება.
ევროპაში მათი სხვა ბუნებრივი მტერიც არსებობს- ტახინიდები, თუმცა ისინი უკვე გამოჩეკილსა გაზრდილ ფაროსანას ემტერებიან.
შესაწამლი ნივთიერება სრულიად უშდეგოა. იხოცება მხოლოდ რამოდენიმე, რადგან ყველაფრის მოწამლვა შეუძლებელია, ხოლო შესაწამლი შხამი ადამიანის ჯანმრთელობისათვის უკიდურესად მავნებელია, რადგან მასში არსებული ნივთიერებები, განსაკუთრებით ქლორი ადამიანის ჰორმონალურ სისტემაში სასარგებლო ჰორმონეს ჩაანაცვლებს, ფარისებური ჯირკვლის ფუნქციას ცვლის და კრეტინიზმით დაავადება გარდუვალია.
უცხოეთში დიდი ხანია არსებობს სასწრაფო რეაგირების ტელეფონი, რათა შესაბამის სამსახურებს მავნებლის აღმოჩენისთანავე ეცნობოთ. მწერის განადგურების ყველაზე ეკოლოგიური გზა მისი შეგროვება და გაყინვაა. შეწამლვისაგან თავის შეკავებას ყველა ცივილიზებულ ქვეყანაში ურჩევენ.
ცნობისათვის, გერმანიაში ეს ფაროსანა 2011 წლიდან გამოჩნდა.
საქართველოში ფაროსანას შემოსევა წლევანდელი შემოდგომიდან დაფიქსირდა. ქვეყნის მმართველობის არც ერთ რგოლს მოსახლეობისათვის ჯერჯერობით სწრაფი რეაგირების არანაირი სამსახური არ წარუდგენია, ისინი მოკლე ცნობით შემოიფარგლნენ, რომ დეკემბერში ფაროსანას წინააღმდეგ საბრძოლველ სიმპოზიუმს ჩაატარებენ. სოც.ქსელების მოხმარებლები აღნიშნავდნენ, რომ ფაროსანას გავრცელება ღარიბი მოსახლეობის საცხოვრებელ-სავარგულებთან შეინიშნებოდა, რაც განსაკუთრებულად არაფერზე მიუთითებს. როგორც სჩანს, ის ლოკალურად უბრალოდ ამ ადგილებზე დაფიქსირდა. შეუძლებელია მისი შეკავება, რადგან ამისი იარაღი ჯერ არ არსებობს. თუმცა შესაძლებელია სპეკულაცია იმის შესახებ, რომ თუკი ფაროსანა მასიურად ასეთ ადგილებში გავრცელდა, ის დივერსიული ფაქტი იყოს და მისი გადმოსხმა იქ მომხდარიყო, სადაც მის გადმომსხმელს ნაკლები (ვიდეო)კონტროლი და სხვა წინააღმდეგობები შეხვდებოდა.
ჩვენ ვართ სერიოზულ ჩიხში მომწყვდეულები უკვე საუკუნეებია. ყველა ის საგანმანათლებლო რესურსი, რაც შემთხვევის წყალობით ქვეყანაში გროვდება, ვერ/არ ვინარჩუნებთ. ქვეყანა გაივსო ფილოლოგ- ფილოსოფოსებით. არ გვაქვს ხეირიანი წიგნები, ვერ ვფლობთ ხეირიანად თანამედროვე უცხოურ ენებს. სისტემატურად არ ვწერთ და ვკამათობთ კონკრეტულ თემებზე. ვერ იქმნება დისკურსი. ვტრიალებთ წრეზე. ამას ობიექტური მიზეზებიც აქვს ხშირ შემთხვევებში. ისე კი მაინც ჩვენს სიზარმაცეზე და შიშებზეა ეს უბედურებაც დამოკიდებული. ის ვინც უცხოურ ენას ფლობს, გასაგებია, მაგრამ არა მისასალმებელი, რომ თავის ცოდნას იგი ვერ /არ თარგმნის ქართულ ენაზე. დამკვიდრებულია ორმაგი სტანდარტი: მდიდრებისა და ღარიბებისა; ქართულ და ინგლისურენისმცოდნე საზოგადოება კარგა ხანია პარალელურ რეალობებში ცხოვრობს. სამოქალაქო საზოგადოებას შუა დარაჯად უდგას მჩხიბავთა კარგად გაწვრთნილი შაიკა ტიპოგრაფიით, პიარის ყველა თანამედროვე ტექნიკით, ადამიანური და მატერიალური რესურსით.
დროა, პოლიტიკოსებს კონკრეტული გეგმები მოეთხოვით, რას აპირებენ, როდესაც სავარძლებზე წამოსხდებიან. რა რეფორმებს გაატარებენ განათლების სისტემაში. მოკლე და გრძელვადიანად!
აი, რას წერდა ამის შესახებ ნიკო ნიკოლაძე „საზოგადო საქმეებში“ 100 წელზე მეტი წლის წინ:
„გიმნაზიები განაწილებული არიან ორათ: ზოგს ჰქვია „კლასიკური“. ზოგს „რეალური“ გიმნაზიები. ამათში ის უმთავრესი განსხვავებაა, რომ…კლასიკურ გიმნაზიებში განსაკუთრებული მნიშვნელობა და ყურადღება მიქცეული აქვთ ძველ ენებს და იმისთანა საგნებს, როგორც ისტორიას, ძველ მწერლობას, და სხვ. რეალურ გიმნაზიებში კი ცოტათი უფრო მეტი ადგილი უკავია ნამდვილ ცხოვრებაში გამოსადეგ ცოდნას, ბუნების მეცნიერებას…
მკითხველს უნდა ახსოვდეს, რა ამბავი იყო სამოცდასამში, როცა პოლშის არეულობა ჯერ კიდევ დაუმშვიდებელი იყო. „მოსკოვის უწყებები“ მაშინ, კლასიკური გიმნაზიების ასამაღლებლათ ათასნაირ კილოზე, ათასანაირ შემთხვევაში ნიადაგ იმას ამბობდნენ, რომ ეხლანდელი არეულობა და აყალმაყალი სულ ბუნების მეცნიერების საქმეაო. ბუნების მეცნიერება უღვთოობას ასწავლისო; და თუ ჩვენ, რუსეთს, ამ უსიამოვნო სენის მოშორება გვინდა, აუცილებლად ისე უნდა მოვმართოთ სასწავლებლების საქმე, რომ ის შეეჩვიოს შრომას შრომისთვის, ისეთ შრომას, რომელმაც იმის ჭკუას მარტო მოძრაობა მისცეს… მაშ, ამბობდა უფ. კატკოვი, ვისაც ჩვენი ქვეყნის სიკეთე სურს, ის კლასიკურ სისტემის მოხრე უნდა იყოს…მარტო ერთი მოწინააღმდეგე გამოუჩნდა ,აშინ „მოსკოვის უწყებებს“,-რუსული გაზეთი „ხმა“, რომელმაც რეალური გიმნაზიების დაცვა იკისრა.
…“ხმამ დაუწყო მტკიცება, რომ რობესპიერი, სან-ჟუსტი, დემულენი და თითქმის ყველა სხვა გამოჩენილი რევოლუციონერები, რომელნიც ისეთი გაცვიფრებით შეეტაკნენ საფრანგეთის მმართველობას და დასცენ, ის- ეს რევოლუციონერები ლათინურ და ბერძნულ წიგნებზე იყვნენ აღზრდილი და მათი რესპუბლიკის სურვილი, მათი გრძნობა პლუტარხისა და ციცერონის თხზულებების კითხვამ დაბადაო…შეხედეთ მაგიერათ, ამბობდა „ხმა“, შრომა-მოყვარე, პრაქტიკულ ხალხს, ფაბრიკანტებს, მექარხნეებს, ოსტატებს-ისინი ყოველთვის საზოგადო და სახელმწიფო წესის დამცველები და დამფუძნებლები არიანო…ჩვენ დროში ხალხი ვერ გასძლებს, თუ ის ხეირიანათ განათლებული და სხვა და სხვა ხელოვნებაში გაჩვეული არ არის. სამოცდაექვსში რომ ომი იყო პრუსიას და ავსტრიას შუა. და განსაკუთრებით შარშანდელმა ომმა, დაამტკიცეს, რომ ეხლანდელ დროში ომიც შეუძლებელია, თუ ჯარი ხელოსნებისგან არ არის შემდგარი, ანა და შიგ საკმაო მცოდნე პირები არ ურევიან. როცა ჯარი იძულებული 24 საათში უშველებელი რკინის ხიდი გამართოს მტრისგან დანგრეულის მაგიერ, როცა ათი ათასობით სჭირია სახელმწიფოს ქიმიკოსები და ტეხნიკური თოფიარაღის, წამლის და მასალების მოსამზადებლათ, ციხეეები გასამარტელად და სხვა და სხვა ამნაირ მდგომარეობაში ლათინური და ბერძნული გრამატიკა უვარგისი და უძლურია…ერტი ბერძნული ენის პროფესორი, რომელიც ჯარში ჩაერიცხათ ისეტ უვარგ მეომრათ გამომდგარიყო, რომ ის ჯარის ცხენებისათვის მიეყენებინათ მწყემსათ…რანაირათ დაცინოდა მაშინ ლიტერატურათეთრ-თმიან მწყემსს, რომელიც ბერძნულათ უჯავრდებოდა ცხენებს და ლათინური ლექსებით მიყავდა ისინი წყლის სასმელათ! ეს საბრალო მწყემსი-პროფესორი იმ ხანჯლათ გახდა, რომელმაც სამუდამოდ გამოსწრა ყელი ცხოვრებისათვის უსარგებლო საგნების მასწავლებელ სისტემასა და ეს ხანჯალი იმ სიგრძე იყო, რომ მისმა ძალამ შორ ქვეყნებამდიც მიაწია…
ეხლა ხანს უმაღლესი ბრძანებით სახელმწიფო რჩევასთან დანიშნულია ახალი კომისია, რომელსაც მინდობილი აქვს გამოძებნოს გზა და საშუალებები რეალური აღზრდის გასავრცელებლად იმპერიაში. .. ამ კომისიის შრომაზე მიქცეული უნდა იყოს ყოველი გონიერი კაცის ყურადღება, ამიტომ, რომ მის ნაშრომზე დამოკიდებულია შემდეგი თაობის ბედი და მომავალი“.
ჯერ კიდევ 2012 წლიდან მიადგნენ სოფლის მეურნეობას, ავაღორძინოთო სოფელი, ოღონდ უგეგმოდ! სრული ეიფორიით იუწყება სხვადასხვა მედია საშუალება ბოლო წლების განმავლობაში, რომ საქართველოს (მშრალი)ხილის ექსპორტი გადაარჩენს. გაიწერება სტარტაპები, ახალგაზრდა მეწარმეებს ზეიმობს ქვეყანა. თუმცა ჯერ ისევ არავის უფიქრია სოფლის მეურნეობის სისტემატურ მეცნიერულ შესწავლაზე.
აი, გერმანიის სოფლის მეურნეობის ისტორიის ერთი ეპიზოდი:
"სასოფლო მეურნეობის მოხეტიალე მასწავლებლები პირველი განვითარების დამხმარეები იყვნენ ბაიერნში. 1861 წლიდან საზამთრო სამეურნეო სკოლები დაარსდა, სადაც მასწავლებლები ცენტრალური ქალაქებიდან ჩადიოდნენ რაიონებში. არდადეგებზე მასწავლებლები სოფლის ეკონომებს ამეცადინებდნენ.1897 წლის უმაღლესი ბრძანებულებით ბაიერნის სასოფლო სამრჩევლო დაარსდა, მასწავლებელთა მონაწილეობით, იმავე წლის 1. ოქტომბერს კი ბაიერნის მეურნეთა კავშირი.1920 წელს კავშირმა ორი სასწავლო წიგნი გამოუშვა:
1.სასოფლო მეურნეობა
2.კერძო(შინა) მეურნეობა
ორივე დღესაც არა მხოლოდ გერმანის, არამედ მთელ გერმანულენოვან პროფესიულ და უმაღლეს პროფესიულ ინსტიტუტებში სასწავლო ლიტერატურას მიეკუთვნება.“
წიგნის მოკლე ანოტაცია:
http://www.vela-bayern.de/cms/front_content.php?idcat=7
შეუძლებელია ვერ დაინახო საქართველოს ხელოვნურად შექმნილი ისტორიული პრობლემა ტექნიკური განათლების სფეროში. 2004 წელს დაწყებული პროფგანათლების რეფორმა, რომელმაც ქვეყანაში საჭირო სტრუქტურების შექმნა დაიწყო, 2012 წლიდან სისტემატურად მიზანმიმართული ჩამოშლა განიცადა.
აი, საქართველოს 2015 წლის მაკრო და მიკროეკონომიკური მიმოხილვა, სადაც განსაკუთრებით საინტერესო ადგილები (ადრე)გადმოგითარგმნეთ.
წყარო : გერმანული სავაჭრო პალატის ანალიზი
http://georgien.ahk.de/fileadmin/ahk_georgien/Publikation/DWV-GTAI-Publikation_Georgien_05-2016.pdf?fbclid=IwAR1Mkv4a0N_g_EwYnccqxW1ZqH2nV6D4Si9GcbTxSkEJmNYYpJot8ltJeWE
"ეკონომიური კრიზისი საქართველოს მთავარ საექსპორტო ქვეყნებში (რუსეთი, უკრაინა, აზერბაიჯანი) და ეროვნული ვალუტის თითქმის 1/3 -ით გაუფასურება აშშ დოლარის მიმართ 2014-16 წლებში, აგრეთვე უცხოეთიდან კერძო ფულადი გადარიცხვების შემცირება- ის ფაქტორებია, რომლებმაც საქართველოს ეკონომიკას მძიმედ დაარტყა, ასევე ქვეყნის შიგნით წარმოქმნილმა პრობლემებმაც - ზოგიერთ სექტორში უგულოდ და უხეიროდ გატარებულმა ან გაუტარებელმა რეფორმებმა. (გვ.9)
მსოფლიო ეკონომიკის ფორუმის თანახმად, ამოსაქაჩი და გასაუმჯობესებელია მაკროეკონომიური გარემო პირობები… ტრანსპორტის ინფრასტრუქტურა, სახელმწიფო უწყებების მუშაობის ხარისხი, უმაღლესი და პროფესიული განათლება, მონოპოლური სტრუქტურების სამეურნეო სტრუქტურებში გადანაწილება, მომუშავე და ფუნქციონირებადი მომწოდებელი ინდუსტრია, საჭიროა უმუშევრობის შემცირება და მოსახლეობის დიდი ნაწილის სიღარიბიდან ამოსვლა. ერთ სულზე მოსახლეზე შემოსავლის რაოდენობით ყოფილ სსრკ რესპუბლიკებიდან საქართველო ერთ-ერთ ბოლო ადგილს იკავებს. (გვ. 23)
2014 წელს უმუშევართა ოფიციალური რიცხვი 12, 4 %-ს (246 000) შეადგენდა… ექსპერტები მიიჩნევენ, რომ უმუშევართა რეალური რაოდენობა 35/40 %-მდე აღწევს, ხოლო არანებაყოფლობით ცუდი სამუშაო პირობების გამო იგი 50 %-მდეც მერყეობს. … ძალზედ დამაფიქრებელია ახალგაზრდების უმუშევრობა,რომლის ოფიციალური ციფრი საშუალოდ 20%-ს შეადგენს. მათგან დაახლოებით 30 % აკადემიურ განათლებას ფლობს. (გვ. 27)
2014 წელს 1,75 მილიონ მომუშავეს შორის 3/5 დამოუკიდებლად, 2/5 დამსაქმებლის მიერ იყო დასაქმებული. დამოუკიდებლად დასაქმებულთა 4/5 გლეხია და მათი ოჯახის წევრები, 1/5 ქუჩის მოვაჭრე, ტაქსის მძღოლი და მცირე მომსახურეობის გამწევი. დამოუკიდებლად დასაქმებულები სიამოვნებით დასაქმდებოდნენ ვინმე მეწარმესთან, ასე რომ მათი განხილვა უფრო სამუშაოს მაძიებლებად იქნებოდა უპრიანი. არადამოუკიდებლად დასაქმებულთაგან 2/5-ის 40 % სახელმწიფო უწყებებში მუშაობს. (გვ. 28)
20111/12 წლებში დაწყებულმა პროფესიული განათლების რეფორმამ და 2013 წელს გატარებულ მოკლევადიანმა დამხმარე პროგრამამ პირველი წარმატება აჩვენა, მაგრამ დღემდე სკოლადამთავრებულთა ძალიან მცირე რაოდენობა ირჩევს პროფესიულ განათლებას. (რატომ ნეტა?!)
მუშახელის მოძიება უმეტესად კერძო ქსელებით, ნაცნობობით ხდება… მუშა-ხელის საძიებო უწყებას დასავლელი მეწარმეები კომპეტენციას უწუნებენ…. უამრავი დასაქმებული იძულებულია იმუშაოს ხელფასზე, რომელიც საარსებო მინიმუმს ქვემოთაა… განსაკუთრებით ვაჭრობაში, მშენებლობასა და მომსახურების სფეროში. (გვ.30)
თანამშრომელთა მომზადებისა და გადამზადების კურსებში (საგნობრივი ტრენინგები, კომპიუტერისა და უცხო ენების შესწავლა) ქართველები ძალიან დაბალ დონეზე არიან. ოფიციალური მონაცემებით თანამშრომელთა გადამზადებაზე დამსაქმებლის წლიური დანახარჯი კაცზე ორიდან სამ(!) ევროს შეადგენს. საქართველოს ნეოლიბერალურ ეკონომიკურ მოდელზე მოწყობის გამო საბაზისო სოციალური მომსახურების დაზღვევა დამსაქმებელს ეკისრება. (გვ. 33)
ამჟამად საქართველოში პროფესიის შესწავლა 25 პროფესიული კოლეჯსა და რამდენიმე ინსტიტუტშია შესაძლებელი. (გვ. 34)
2012 წელს ახალმა მთავრობამ თავის ეკონომიკურ პრიორიტეტად სოფლის მეურნეობის განვითარებაც დასახა….2013 წლიდან 2018 წლამდე ევროპის სამეზობლო პროგრამის ჩარჩოში 52 მილიონი ევროს მიღება დაიგეგმა, დამატებით 10 მილიონს ევროკავშირი რძის, თხილისა და ბოსტნეულის წარმოების განვითარებაში ჩადებს…. ევროპული სოფლის მეურნეობის განვითარების პროგრამა 2015-18 წლებში კიდევ 20 მილიონ დოლარამდე გასცემს…. მიუხედავად გაძლიერებული დახმარებისა, აგრარული სექტორის გამოღვიძებას სასურველ შედეგამდე ბევრი აკლია. ქვეყნაში სამუშაოს მქონეთა რაოდენობის ნახევარზე მეტი, რომელიც ამ სამეურნეო სექტორში, სოფლის მეურნეობაშია დაკავებული, ბრუტოშიდაპროდუქტის მხოლოდ 9 %-ს გამოიმუშავებს. (გვ. 50)
აგრარული ნაწარმით, წყლითა და საკვებით ქვეყნის გარეთ ვაჭრობა მძიმე დეფიციტებს აჩვენებს. 2015 წლისათვის იმპორტი 1,1 მილიარდ დოლარს შეადგენდა, ექსპორტი კი 0..6. მილიარდს. პოტენციის გამოყენების ხელისშემშლელი სუსტი ადგილები გადამამუშავებელ საწარმოთა არარსებობა, სასოფლო მეურნეობისათვის პროფესიული განათლების თითქმის განუვითარებელი ინფრასტრუქტურა, აგრარულ ნაწარმთა შენახვა-მოხმარების არცოდნა და ეკონომიური სახსრების უქონლობაა. (გვ. 51)
საქართველოს რესურსებზე (მინერალური რესურსების თვალსაზრისით), ჯავშანის დადება გერმანიისათვის, ახალი სამთო პროექტებით თითქმის უმნიშვნელოა. ქვეყნის მინერაური რესურსები ძალიან შეზღუდულია და რაცაა, მდებარეობს ძნელად მისადგომ ადგილებში.(გვ.55)"
აი, როგორ ნადგურება საქართველოს მოსახლეობა: უფრო შიმშილით, რაც უცოდინრობის შედეგია და არა დაუსრულებლად მორალზე აპელირებით!
"ტესტოსტერონზე მომუშავე" წინა ხელისუფლების მიერ ინიცირებული ინგლისურის და სხვადასხვა კურსები თბილისის მერიის ინიციატივით კარგა ხანია დაახურულია- მსურველები არ იყვნენო. ხოლო ფილოსოფოსების, კინო/ხელოვანთა და მწერლების ქვეყანა თვითტკბობაშია ჩავარდნილი.
არც ერთი ქართულად ნათარგმნი თანამედროვე მეცნიერული მიღწევა! და არც თუნდაც სადღაც რეიტინგის კუდში მოჩანჩალე უნივერსიტეტი!
მხოლოდ „ძველები“, საბჭოთა სისტემის ჩინოვნიკებისაგან „გაკეთებული პროფესორები“, რომლებიც უცხოურ პროექტებში ახალგაზრდებს კაპიკებზე დასაქმების „ნებას აძლევენ“, შედეგეად ახალგაზრდები გარბიან, ხოლო ეროვნულ კათედრებზე დამსახურებულ ღვაწლ-მოსილნი მუშაკობენ.
ოცნებამ მოსვლსთანავე, უკვე დადასტურებულად, დაითხოვა 5000 საჯარო მოხელე, რომელთა მოსამზადებლადაც დიდძალი რესურსი დახარჯა როგორც საქართველომ, ასევე ევროკავშირმა და სხვა დამხმარე ქვეყანამ.
ისინი ჩანაცვლდნენ ოცნების მიმართ განწყობილი ლოიალური პირებით. სხვა საგაზეთო სტატიიდან, რომელიც აქ ადრე დავლინკე, შევიტყე, რომ ჩანაცვლებულთა რიცხვი 7 000- ია, თუმცა ისინი სასარგებლო იდიოტებად იქნენ მოხმარებულნი და დიდი ნაწილი მათგანაც უვე დათხოვნილია ბიუჯეის ოპტიმიზაციის სახელით.
გამოდის, რომ საბჭოთა კავშირში დააბრუნა ოცნებამ ქვეყანა. ამის საფუძველს არა მხოლოდ ეს კვლევა მაძლევს, არამედ სხვა (უკვე ჩემს მიერ კარგად გამოკვლეული) განხორციელებული უკურეფორმებიც. მაგალითად, განათლების სისტემაში.
აი, რას წერდა კიტა აბაშიძე საუკუნეზე მეტი ხნის წინ:
საქართველოსათვის მეცხრამეტე საუკუნე შავითა და ბნელით არის მოცული.
საქართველო, როგორც პოლიტიკური არსება, მოისპო მეცხრამეტე საუკუნის პირველსავე წელიწადში.
მეცხრამეტე საუკუნიდან ქართველ ერს თავისი სრული ცხოვრება აღარა ჰქონია, იგი ცხოვრობდა სიტყვით სხვის “მფარველობის” ქვეშე, ხოლო საქმით სხვის “მონობას” განიცდიდა.
ჩვენ თუ ჩვენისავე ნებით დავმორჩილდით ჩვენ მეზობელ ძლიერ სახელმწიფოს, რომელიც მასთან ქრისტეს მოსავიც იყო, ამით ისტორიულად მიუცილებელის მსვლელობის საქმე ცოტათი დავაჩქარეთ, აღარ ვიხმარეთ ყოველი საშვალება მტრისაგან ნიშანში ამოღებულის სამშობლოს საშველად, არამედ პირდაპირ აღვასრულეთ ის, რაც, “ადრე იქნებოდა თუ გვიან”, მაინც უნდა მომხდარიყო.
ჩვენ აქ მხოლოდ ის შეგვიძლიან ვსთქვათ, რომ სახელმწიფოს, რომლის კალთის ქვეშაც ჩვენ გამგეთ თავი შეაფარეს, საქმე გავუადვილეთ და დიდი შრომა და ჯაფა ავაცილეთ, კიდევაც დიდი შემწეობა აღმოვუჩინეთ იმ საქმეში, რომელიც მისი ისტორიულის მსვლელობის მიუცილებელი მიზანი იყო.
*********************************************************************
ამგვარად, ქართველი ერი წასულის ასი წლის განმავლობაში სცხოვრობდა არა სავსებით,არამედ ვაი-ვაგლახით მიჩანჩალებდა.
**********************************************************************
მთელი მისი მოქმედება, აზრი, ფიქრი, მისწრაფება მარტო
ერთ რამეში გამოიხატებოდა - ლიტერატურაში და ისიც ლიტერატურის ერთ დარგში - სიტყვა-კაზმულ მწერლობაში. პოლიტიკური და ეკონომიური ცვლილებანი მოხდა გარეშე ჩვენის მონაწილეობისა და გავლენისა, თითქმის არც ერთი ამ ცვლილებათაგანი ჩვენ ახლოსაც არ გაგვკარებია (საერობო თვითმართველობის და ნაფიცთა მსაჯულის ინსტიტუტი, შეღავათიანი ცენზურა და სხვ.).
მეცნიერულისა და ფილოსოფიურის მსვლელობისაც კი სრულიად გარეშე მაყურებლად დავრჩით:
სასულიერო და საერო აკადემიები და უნივერსიტეტები - ეს მეცნიერებისა და ფილოსოფიის ნავთსადგურნი, სხვა და სხვა გვარი უმაღლესი სკოლები ჩვენ თვალითაც არ დაგვანახეს. სწავლა-აღზრდის საქმე ჩვენს ხელად არ არის და ჩვენს გავლენას სავსებით აცილებულია.
სიტყვა-კაზმული მწერლობა შეიქმნა ერთადერთი მხარე ცხოვრებისა, რომელიც ამ ცხოვრების ვითარების უტყუარი, ხელოვნური გამომხატველი იყო.
კიტა აბაშიძე
ლინკები ფაროსანაზე (გერმანულად):
https://www.welt.de/wissenschaft/article10226361/Invasion-der-stinkenden-Wanzen-in-Nordamerika.html?fbclid=IwAR124S9cBTIT6S3EVNRp8cQise2QZOO0ZCbAG945oA2gnDeTPXmjPMEgCos
http://www.20min.ch/wissen/news/story/31322895
https://www.halyomorphahalys.com/?fbclid=IwAR3Xq9-dyHWPgqsmzlLqdGDrhtcHvd_ga_kD7cUOALq7MD0qhvehaon9KoU
https://www.halyomorphahalys.com/bekaumlmpfung-pest-control.html?fbclid=IwAR21hx-zvPEsOsmBKldghKGMvJBe_oJjcEiUQgOXWUzo36iuQ_Bhglj8f1Q
http://www.provinz.bz.it/land-forstwirtschaft/landwirtschaft/obst-weinbau/marmorierte-baumwanze.asp?fbclid=IwAR2A3jMtKVVqe8Dwdetz1KI5NFXeXidZjuYBuZnavtsL4GlY3QzS3kkGcWE
https://www.srf.ch/news/schweiz/schaedlinge-unter-quarantaene?fbclid=IwAR3p5D1DWx44KEpxaRuxgQ38A6-PJIqJimD1Y8XweMQl8Yxlzoy8BcRZo8Q
https://www.google.de/url?sa=t&rct=j&q&esrc=s&source=web&cd=1&cad=rja&uact=8&ved=0ahUKEwiRzf_ipvvXAhXD0aQKHRp1Cn4QFggqMAA&url=https%3A%2F%2Fwww.lmtvet.bremen.de%2Fsixcms%2Fmedia.php%2F13%2FBlinde_Passagiere_Stinkwanze_3_2012.pdf&usg=AOvVaw2ofi4LBDvrx2_f-LF9TQym&fbclid=IwAR1Kv4z6JozKOJmSgffYXnQrRR8YXTJb423-c2-tP9-r8Ttz0G8qij5u0hE
http://www.ltz-bw.de/pb/site/pbs-bw-new/get/documents/MLR.LEL/PB5Documents/ltz_ka/Service/Schriftenreihen/Hinweise%20zur%20Pflanzengesundheit/Marmorierte%20Baumwanze_DL/Pflanzengesundheit%20Marmorierte%20Baumwanze.pdf?fbclid=IwAR12JhtQbwkzOsw7bL0huULcpGXfbPTlQLNrZx1U1uEDKAKtjR6539dflFc
ლინკები ფაროსანას შემოსევაზე საქართველოში:
საქართველოს ტექნიკურ უნივერსიტეტში აზიური ფაროსანას საწინააღმდეგო პრეპარატი შექმნეს
https://bpn.ge/finansebi/42264-saqarthvelos-teqnikur-universitetshi-aziuri-farosanas-satsinaaghmdego-preparati-sheqmnes.html?lang=ka-GE&fbclid=IwAR0pm8HQAz9BT5XQQ-WWo8dy1poObk-XtJRDsh1DTFSfG_oBSfJsU4fqYlw
პესტიციდების უცნობი სკანდალი და ჰაერში გასროლილი 50 მილიონის საიდუმლო
http://www.iberiatv.ge/ka/gadacemebi/x-zona/article/6499-pesticidebis-ucnobi-skandali-da-haershi-gasrolili-50-milionis-saidumlo?fbclid=IwAR2n2ZY0qRN4RpMcuzlk1ZBJTdaLNC1vQmxPQuBYvEsB3QwRTYCWHvojliU
დავითაშვილი: “ფაროსანა უბრალოდ მწერია, ამაზე ამდენი ყურადღების გამახვილება გადაჭარბებულია”
http://netgazeti.ge/news/255534/?fbclid=IwAR3SgeMQfa90G0mwdY9myWXUK7WC_jhbSq6Tq6L0bz0uOKR4mMrPIjFRYY4
მინისტრის მოადგილე - ფაროსანას წინააღმდეგ "მოიზიდე და მოკალის" პრინციპი დაინერგება - მას ფერომონების საშუალებით მოვიზიდავთ, ლიკვიდაცია კი წერტილოვანი დარტყმით მოხდება, რათა არ მოხდეს მთლიანად ტყის მასივების, გარემოს შეწამვლა
https://www.interpressnews.ge/ka/article/481018-ministris-moadgile-parosanas-cinaagmdeg-moizide-da-mokalis-principi-dainergeba-mas-peromonebis-sashualebit-movizidavt-likvidacia-ki-certilovani-dartqmit-moxdeba-rata-ar-moxdes-mtlianad-tqis-masivebis-garemos-shecamvla/?fbclid=IwAR3KoXYBi82h30g317KIAtzYGYJyZ3gdH4qy7sbHipLbtq07uKfvgH4tH8Q
შესაძლოა, აზიურ ფაროსანასთან საბრძოლველად იაპონური კრაზანა შემოიყვანონ
http://netgazeti.ge/news/257086/?fbclid=IwAR2Cw-qT9sNbUqYjs4LgOvTttgjaRV9m0h41mKf8lrciTT1vFqCCVdMXWsw
ფაროსანასთან საბრძოლველად აშშ-მა საქართველოს $3.5 მილიონი გამოუყო
http://netgazeti.ge/news/261103/?fbclid=IwAR3KIUfMoeR_9sBWYNbQtOfkStPvWEjIlTKRhkcu7s84lL61F4lZHc8-sgo
აფხაზეთის მცხოვრებლებს ერთ კილოგრამ ფაროსანაში ათას რუბლს გადაუხდიან
http://www.radioatinati.ge/regioni/article/63858-afkhazethis-mckhovreblebs-erthi-kilogram-farosanashi-athas-rubls-gadaukhdian.html?fbclid=IwAR1rDpSWdlFUhAihoawDMDfzz8zmFer7j1iuhm1Rno1LFKZBdsqnyu8V6Wg
ფაროსანას გასანადგურებელი წამლით ერთი მამაკაცი გარდაიცვალა
http://www.paqtebi.ge/?p=5595&fbclid=IwAR2kyq6aaVVYblxLWZvoV0INQCuaZjqwPjNyLVxH_z8r4VXW5S0wQXQ-AYY
ერთი ადამიანს, Sopho Chachanidze-ს თავს გადამხდარი ამბავი (წყარო ფეისბუკი)
სახელმწიფო ფაროსანების წინააღმდეგ, ანუ იდიოტოკრატია.
28. Juli 2018
!!!!!!!!
ერთი კვირაა ურეკში ვარ ბავშვებით. გუშინ საღამოს ოზურგეთის საავადმყოფოში მომიწია წასვლა, ალერგია მაქვს და გადასხმა მჭირდებოდა. მოკლედ... რაც მერე მოხდა, იმის ფონზე, ჩემი ამბავი საინტერესო აღარაა.
!!!
- დავწექი გადასხმაზე, რომელსაც საკმაოდ დიდი დრო ჭირდება, თან ორი გადამისხეს და ლევანს რომ ეს ორი ბავშვი რამენაირად გერთო და დრო გაეყვანათ, წავიდნენ პარკში სასეირნოდ და ატრაქციონებზე. მოკლედ, ის იქიდან ბავშვების ვიდეობეს მიგზავნის, მე ჩემს სისტემა მიერთებულ სელფებს და გურულ პაცინეტ-ექიმებზე დაკვირვების შედეგებს და ვართ ასე.
- აი დიმედროლ-სუპრასტინ-დექსამ თავისი რო ქნა და ძილბურანში წავედი, რაღაც ჩოჩქოლია, ექიმიან-პაციენტიანა იქეთ-აქეთ დარბის და ფანჯრებს კეტავს, გადაძახილებით - "ფაროსანები გაუშვეს" (?) დაკეტეთ ფანჯრები. გვერდით ახლაგაზრდა ჩინიანი პატრული მიწევს, მამამისს ურეკავს - თუ არ გამოსულხარ სახლიდან, ჯერ არ გამოხვიდე, "ფაროსანებს მიაფუტეს" და საწამლავია ჰაერში, გაიტანოს ცოტა.
- ვაიმე! დიმედროლი დაძლია ჩემმა გონებამ და პანიკა დამეწყო. - რა ქნეს? ვეკითხები პატრულს, ჩემ ქმარს ბავშვები პარკში ყავს და მთელ ქალქში ასხამენ? - უი, რას ამბობთ ქალბატონი, შენობაში შევიდნენ, რაფერ შეილება ბავშვებისთვის ამის შესუნთქვა (აქ უკვე ვფიქრობ ამოვიგლიჯო ეს გადასხმის შნურები, თუ რა ვქნა)
- ამ დროს ლევანი მწერს, რომ რაღაც გაუშვეს ჰაერში, ფაროსანების საწინააღმდეგო და აჩის ალერგია აქვს, აცემინბს, (პაუზა) მეც, (პაუზა) დათისაც (ნელნელა მაპარებს).
- ვააახ! რა გავაკეთო აღარ ვიცი, ვეუბნები, რომ წამოვიდნენ საავადმყოფოში სასწრაფოდ. მოდიან. ექიმს ვეუბნები ამ ამბავს და აშკარად არ მოსწონს. მეუბნება, რომ მოიყვანოს ბავშვები და ვაჩვენოთ მეორე სართულზე ბავშვთა განყოფილებაში....
- ვთხოვ, რომ მომხსნან ეს რაღაცა და გავალ ბავშვბთან. - როგორ გახვალთ ქალბატონო, ფაროსანების ის არის გაშვებული, არ შეილება გარეთ (!). თავი კინოში მგონია. მიმღების დერეფანი სავსეა თავშეფარებული ხალხით.
- ეს გადასხმაც არ ჩამოიცალა... ლევანი მოდის ბავშვებით, ამ ეტაპზე მარტო დათის აცემინებს ინტენსიურად. ვერთობით მიმღებში, როგორც შეგვიძლია, თან ვცდილობ ბავშვთა განყოფილების ამბები გავარკვიო.
- როგორც იქნა, მორჩა დადასხმა და წამოვდექი. ავდივართ, მეორე სართულზე ბავშვთაში და პედიატრს ვუყვები მოკლედ რა მოხდა. არ აქვს მთლად ბედნიერი სახე და ცოტა დაბნეულ კითხვებდ მისვამს: პირდაბირ იქ იყვნენ ბოლში? ის ჰაერი შეისუნთქეს, თუ სუნი ეცათ? ვერაფერს ვერ ვუზამთ წინასწარ, მოწამვლის სიმპტომები თუ არაა, სასწრაფოდ გაარიდეთ აქაურობას, სუფთა ჰაერი ასუნთქეთ (!). ხო აქ რჩებით ღამე? - არა, ურეკში ვართ. - უი ამ სიშორეზე... გულის რევა რომ დაეწყოთ (!!!), ოზურგეთში ვერ გაათევთ ღამეს? წაიყვანეთ სასწრაფოდ ჰაერზე, ეგ არის ყველაზე უკეთესი მკურნალობა. - ქალბატონო, როგორ წავიყვანო, მთელი ოზურგეთი შენობაშია, გარეთ არ შეიძლებაო. - მაშინ დაელოდეთ, ცოტა გადაიაროს და მერე გაიყვანეთ. - მე კი წავიყვან, მაგრამ აქ ვინც ცხოვრობთ ეს ხალხი რას შვებით ხოლმე? - რა ვიცით, ვართ ასე, მომწამვლელია, მარა არამგონია მომაკვდინებელი იყოს (!!!!!!!!!) (ექიმი ქალი მეუბნება).
- ამასობაში, სანამ ჩემი დანიშნულება და საბუთები გამზადდა, ჰაერი გაიწმინდა თუ არა არ ვიცი, მარა სასწრაფოდ გამოვდივართ, წამლებს ვყიდულობ, ბავშვებს ვაჭმევ მანქანაში (დამშეულები არიან) და მივდივართ ურეკისკენ.
- ურეკს რო მივუახლოვდით, აჩი მეუბნება, რომ გული ერევა. . . . ლევანი იქვე აჩერებს მანქანას, აჩის ვისვამ წინ კალთაში, ფანჯრებს ვწევთ (აქ უკვე სუფთა ჰაერია), წყალს ვასმევ, ველაპარაკები, ეგებ გადაუაროს...
- მოვედით სალხში (კოტეჯში). უკვე 11 საათია ღამის. აჩი ლევანმა სასეირნოდ წაიყვანა, ბორჯომი ვუყიდეთ, ზოგადად ძაან უყვარს, მაგრამ მაინდამაინც ეხლა არ მოიკლა თავი დალევით. დათიზე არ ვნერვიულობ, ძინავს მშვიდად. აჩის ვუყურებ თვალებში - დედიკო, ისევ მერევა გული, ცოტა მერევა, აღარ მერევა.... ჭამა რაღაცეები, ხასიათზე მოვიდა, კარგადაა. უკვე ძაან ეძინება და ვაწვენ, ვუყვები მორიგ ამბავ/ზღაპარს მეხანძრეებზე და იძინებს. მეც ფაქტიურად ფეხზე მძინავს, ამ დიმედროლ-სუპრასტინების ფონზე. დათის რძე დავალევინე ძილში და დავწექით.
- ღამე არ ვიცი ლევანის დაძახება თუ ბავშვუს ტირილი მაღვიძებს და ამბავია ისაა, რომ დათის გული აერია. ოღონდ ცოტათი. რაღადროს ამის "ამოქაფებაა", მაგრამ ოპტიმისტური ალტერნატივა იყო და ამ ვერსისაც ვუშვებ. გამოვუცვალე, დავწექი, არ იძინებს, ტირის. ავაყენე, ხელში ვატარებთქო და ისე აერია გული, ამოიღო მთელი მუცელი.... გამოვუცვალე, ცოტა წყალი დავალევინე, მივაძინე. დიმედროლმა დაკარგა მოქმედება და ისეთ ენერგიაზე ვარ, მოვასუფთავე სახლი, დასვრილი ზეწარი და ტანსაცმელი გავრეცხე, ინათლა ამასობაში და ყავა, სიგარეტი, ფეისბუქით დავჯექი ეზოში. ისევ აღებინა ცოტა და ისევ გამოვუცვალე, ეზოში გავიყვანე, ჰაერი იქნებ ესიამოვნოს და "კაჩალკაში" დავჯექი ბავშვიანად. დაიძინა მშვიდად, ამასობაში წვიმა დაიწყო, შევედით სახლში.
- პერიოდულად აჩისთან მივდივარ, ცხელი ხო არაა, ცივი ხო არაა, როგორ სუნთქავს, სუნთქავს, რას შვება.
- ლევანს ვეუბნებო რო ბათუმში უნდა წავიყვანოთ ბავშვი გადასხმაზე. შევთანხმდით.
- მეუბნება, რომ კინოებში რომ ქიმიური შეტევის კადრებია, ისეთი სცენა იყო პარკში საღამოს 9 საათზე, ზაფხულში, მთელი ხალხი რო გარეთაა... იქვე ვიღაც კაცებს კითხა, ეშველის თუ არა ფაროსანების ამბავსო და იმათ, რა დროს ფაროსანებია, გაიყვანე ბავშვები აქედანო (!!). მანქანა ზუსტად გაფრქვევის ეპიცენტრში იგდა ამ დროს, მაგრამ იქ მისვლის გარდა, სხვა ალერნატივა ბავშვების გამოსაყვანად არ არსებობდა.
გარემოს დაცვისა და სოფლის მეურნეობის სამინისტრო ოზურგეთის მუნიციპალიტეტის გამგეობა კიდე ვინ დავთაგო, არ ვიცი! ფაროსანები ვართ??!
თქვენ ნორმალურები თუ ხართ?! საღამოს საათებში, გაფრთხილების გარეშე, შუა ქალაქში, ტოქსიკური ბოლის გაშვება ვინ მოიგონა???! გიჩივლოთ, აგაფეთქოთ, თუ რა ვქნა?
P.S. ბავშვების ბებიები ვერ კითხულობენ ამ პოსტს და ე მანად შემთხვევით ვინმემ ამბის მოსაკითხათ არ დაურეკოთ რომელიმეს!!!!
P.P.S. დაკვირვებული ვარ, მე რომ ავად გავხდები (რაც ძალინ იშვიათად ხდება), ვინმე შინაურს ისეთი რამე ემართება, ჩემი თავი რო არც მე და არც სხვას აღარ ახსოვს 😂
საქართველოს (ჩამოშლილი) ეკონომიკა დღეს და წელს
"ვინც აქ ბიზნესს აკეთებს, გადასახადებიც აქ უნდა გადაიხადოს"
ქრისტიან-დემოკრატიული პარტიის წესდების ერთ-ერთი პუნქტი!
(2018 წლის იანვარში ბერლინის აღმ. ევროპის ინსტიტუტის ჩარჩოებში განხილული საქართველოს პრობლემები)
ამ კვირის დასაწყისში, ევროკავშირთან საქართველოს ხელმძღვანელმა, ნატალია საბანაძემ (როგორც შიდა წრეები ვარაუდობენ, ევროკავშირისავე დავალებით) განაცხადა, რომ საქართველო თუ ასე გააგრძელებს, მისი ევროკავშირთან ასოცირების ხელშეკრულება გადაიხედება და უვიზო რეჟიმის გაუქმების ინსტრუმენტები (Ausstellungsmechanismen für Visafrei) ამოქმედდება. საქმე იმაში გახლავთ, რომ მაგალითად, ბოლო წლის განმავლობაში მხოლოდ შვეიცარიაში (შვედეთში არ აგერიოთ) ლტოლვილის სტატუსის მაძიებლეთა რიცხვი საქართველოდან 44 %-ით გაიზარდა მაშინ, როდესაც რეალურად ამ სტატუსის მაძიებელთა მხოლოდ 1 %-ის მოთხოვნა კმაყოფილდება.
საქართველოს მხრიდან გიორგი რუხაძემ ამ მითითებაზე საპასუხო კომენტარი გააკეთა, სადაც აღნიშნა, რომ საქართველოს თავის მხრივ ლტოლვილის სტატუსის მაძიებელთა შესჩერებელი მექანიზი არ გააჩნია. სოციალური მდგომარეობა არ გაუარესებულა, მაგრამ საქართველოს მთავრობას არ აქვს უფლება და საშუალება ადამიანებს უკეთესი პირობების ძიება აუკრძალოს.
სულ სხბვა აზრზე არიან გერმანელი დამოუკიდებელი ექსპერტები. მათი აზრით, ბოლო 6 წლის განმავლობაში საქართველოს ეკონომიკა არ გაუმჯობესებულა.
საქართველოს მოსახლეობის 50 % აგრარულ სექტორშია დასაქმებული, ამ დასაქმებულთა 50 % 0,2 ჰექტარზე ნაკლებ მიწას ფლობს, ხოლო 10 %-ს ერთ ჰექტარზე მეტი არ გააჩნია.
საქართველოს საკვები პროდუქტის 60-70% იმპორტირებულია, რომლის ყიდვის საშუალება მაღალი მსყიდველობითუნარიანი ფენის პრიორიტეტია, რაც სკანდალის სფეროს განეკუთვნება.
„ოცნებამ“ გამოაცხადა, რომ მოსვლისთანავე გააჩენდა 6 000 დამატებით სამუშაო ადგილს, რაშიც დაიხმარდა სხვათა შორის პროექტს „აწარმოე საქართველოში“და ევროპული სამეზობლო პოლიტიკის ჩარჩოებში არსებულ სხვა პროგრამებს.
მოხდა ზოგიერთი საწარმოს ევროპული სტანდარტების ზედმიწევნით დაცვით მოდერნიზირება, თუმცა ამან დიდი რაოდენობით სამუშაო ადგილების დაკარგვა გამოიწვია, ხოლო ნაწარმოები პროდუქტი გახდა ადგილობრივი ბაზრისთვის თითქმის ხელმიუწვდომელი, ასევე ექსპორტისათვის ძვირი. ბევრი ევროპელი დამოუკიდებელი ექსპერიტი (Blaustein etc.) ამბობს, რომ ეს მხოლოდ შოუა და ამას ეკონომიკის გაუმჯობესება - გაჯანსაღებასთან არანაირი კავშირი არ აქვს.
მაინც საიდან მოდის მონოპოლისტების პროდუქტების შემსყიდველთა ფული?
საქართველოს დღეის მონაცემებით დაახლოებით ოფიციალურად 1 მილიონი ქართველი შრომითი (ე)მიგრანტი ჰყავს (სხვათა შორის სასომხეთიც იგივე დღეშია).
ქართველი მიგრანტების ფულადი გზავნილი ყოველწლიურად 1,5 მილიარდ ევროს შეადგენს. 1 თვის განმავლობაში ემიგრანტის მიერ საქართველოში გადაგზავნილი თანხა საქართველოში მიღებულ 1 თვის პენსიაზე მეტია. ბანკი ვესტერნ უნიონი საქართველოში ყველაზე მსხვილი დამსაქმებელია.
საქართველოს ძირითადი ეკონომიური შემოსავალი დგება შემდეგი შემოსავლებიდან:
სპილენძის შენადნობების გაყიდვა (ჯართის მარაგი უკვე ამოიწურა, ამიტომ ის აღარაა ვაჭრობის ობიექტი) - შემოსავალი 94 მილიონი
2. რკინისმანგანი, რომელიც იწარმოება კრიმინალით ეკოლოგიაზე (მყარი ტერმინია, ეკოციდსაც ეძახიან, გერმ. Umweltverbrechen) - შემოსავალი 383 მილიონი, რესურსი ამოიწურება 10-15 წელიწადში სრულად
3. ავტომობილების რეექსპორტი - 1 მილიარდიდან ჩამოვიდა 234 მილიონამდე, რადგან მეზობელ ქვეყნებმა ავტომანქანების მაქსიმალური ხანდაზმულობის კანონი შემოიღეს
4. ღვინო - შემოსავალი 170 მილიონი
ევროპელი დამოუკიდებელი ექსპერტები ამბობენ, რომ საქართველო თითქმის საერთოდ არაფერს აწარმოებს, ხოლო მისი სოფლის მეურნეობის პროდუქტი ვერასოდეს დაეწევა გერმანიაში წარმოებულ სოფლის მეურნეობის პროდუქტს.
საქართველოში არ არსებობს განგრძობითობა, დიდ დროზე გათვლილი სტრატეგია. ზოგადად საერთოდ არ ჩანს „არსებული“ ეკონომიური პოლიტიკის ნიშნები.
საქართველომ ხელი მოაწერა ე.წ. ხარისხის კანონს ევროკავშირთან ასოცირების ჩარჩოებში, რაც ნიშნავს იმას, რომ ქვეყანამ ვალდებულება აიღო, აწარმოოს პროდუქტი ევროკავშირის სტანდარტებით. მაგალითისთვის ეს ნიშნავს იმას, რომ მცირე და დიდმა რძის პროდუქტების მეწარმემ ერთნაირი ხარისხით უნდა აწარმოოს. მცირე მეწარმემ დაახლოებით 15 ათასი ევროს ღირებულების პასტერიზების დანადგარები უნდა შეიძინოს, რათა მისი პროდუქტი საერთაშორისო ბაზრისთვის ვარგისიანი იყოს. ასეთივე პროდუქტის გამოშვებაზე აიღო მან ვალდებულება საქართველოს შიდა ბაზრისათვისაც. პასტერიზების დანადგარის შეძენა ამავდროულად მუშა-ხელის გათავისუფლებასაც ითვალისწინებს, რადგან ბევრი ოპერაცია უკვე მექანიკურად შსრულდება.
შედარებისათვის ასეთი სტანდარტის რეგულაციაზე თურქეთსაც კი არ მოუწერია ხელი მაშინ როდესაც ის ჯერ კიდევ 1960-იანი წლებიდან ევროკავშირის ასოცირების წევრია. თურქეთი დღესაც საკუთარი, ანუ არა ევროპული სტანდარტებით აწარმოებს მაგალითად ჩაის შიდა მოხმარებისათვის, რაც მას სრულიად აკმაყოფილებს ხარისხის თვალსაზრისით, ხოლო ეკონომიკა არ იღებს გამანადგურებელ დარტყმებს.
ცხადია, ევროკავშირის ეს ხელშკრულება საქართველოსათვის ხაფანგია. საქმეში ჩახედული ადვოკატები და ეკონომიური ექსპერტები ამბობენ, რომ საქართველომ ხელი ისე მოაწერა ამ შეთანხმებას, რომ მათ ხელშეკრულების ტექსტიც არ წაუკითხავთ.
NDI-ს გამოკითხვის შედეგად უკვე 30 %-ს არ სურს ევროკავშირთან თანამშრომლობა. ციფრი კიდევ უფრო გაიზრდება, როგორც კი არსებული ეკონომიური რესურსი ამოიწურება.
ასევე სისასტიკეა მანქანების ტექნიკური დათვალიერების სტანდარტი. სოფელში მაცხოვრებელთა 80 % იძულებული იქნება ოჯახის ტრანსპორტი გააუქმოს. ეს ის ტრანსპორტია, რომლითაც ისინი გადაადგილდებიან საავადმყოფოებისაკენ, ბაზარში, ქალაქში. ამით მათ პრაქტიკულად საციცოცხლო ბაზისი (Lebensgrundlage) ეცლებათ ხელიდან. სტატისტიკისთვის: კრიმინალის შედეგად უფრო მეტი ადამიანი კვდება, ვიდრე ასეთი გაუმართავი მანქანით.
ფულის გათეთრება ხდება 4 სფეროში:
1. სატრანსპორტო
2. სამშენებლო
3. ენერგო
4. ინფრასტრუქტურის
ეს ოთხივე სექტორი თანადაფინანსებას ექვემდებარება, სადაც ყიდვა-გაყიდვა სრულიად გაუმჭვირვალედ მიმდინარეობს. მშენებლობის სექტორის 50%-ში წამყვან ინვესტორებად თურქები გვევლინებიამ, თუმცა ინფრასტრუქტურისა და ენერგო სექტორში მსხვილი ევროპელი ინვესტორები თამაშობენ.
ჰაიდელბერგცემენტის 50%-იანი მეწილე ბიძინა ივანიშვილია.
ენერგო სადგურებზე ოპერირების საშულება სრულიად უსასყიდლოდ მიიღეს ინვესტორებმა, სადაც მათ მოგების გარანტირებული 10 წელი აქვთ, მორიგი 10 წლით ვადის გაგრძელების პერსპექტივით. არადა როგორც წესი, 10 წლის შემდეგ ინვესტორი განზე დგება და ობიექტი სახელმწიფოს საკუთრებაში გადადის, საქართველოში ინვესტორის უფლებები (ჯერჯერობით) სამუდამოა.
ტურიზმი - ოფიციალური მონაცემებით საქართველოს წელიწადში 7,5 მილიონი ტურისტი ჰყავს. ამაში შედის 3,5 ტრანზიტული (1 საათიდან 24 საათამდე გამჩერებელი) მგზავრი. დარჩენილ 4 მილიონში მოიაზრება ყველა ტიპის ვიზიტორი, რომლის ყოფნა ქვეყანაში 24 საათს აღმატება: ტრაილერის მძღოლიცა და 10 დღიანი შვებულების გამტარებელიც. ამ 4 მილიონიდან უმეტესობა რუსული, თურქული, ირანული ან სომხური წარმოშობისაა.
დღეისათვის ქვეყანაში არ მოიძიება არც ისეთი პოლიიტიკოსი და არც ისეთი ჟურნალისტი, რომელიც მთავრობას საკუთარ ქმედებებზე ჰკითხავს, თუ რატომ იღებს ის ამა თუ იმ გადაწყვეტილებას და განმარტოს!
ცოტა ხნის წინ საქართველოს მთავრობამ განაცხადა, რომ თეთნულდს სათხილამურო კურორტად აქცევდა, რომელიც 3/4 ათას ტურისტს დაიტევს. გიორგი კვირიკაშვილმა ქუთაისი-მესტია ავტობანის მშენებლობა დააანონსა, რაც სავარაუდოდ 2 მილიარდი დოლარის ღირებულების პროექტი იქნება, თუმცა თეთნულდამდე მასიურად მხოლოდ საფრენი აპარატებით იქნება მისვლა შესაძლებელი. საციგურაოდ ფრენისათვის კი ტურისტების მხოლოდ 0,05 %-ია მზად. ბაკურიანში კი დღემდე საბჭოთა დროინდელი სათხილამურო კონსტრუქციებია ექსპლუატაციაში. არც თეთნულდი და არც ბაკურიანი ოლიმპიური გაქანების ადგილები არაა. ხოლო ორმილიარდიანი პროექტი ფანტასტიკის სფეროს გაბეკუთვნება.
პროექტი Black Sea Arena - მოედანი, რომელზეც ჯამში 20 კონცერტიც არ გამართულა. არ გააჩნია ინტერნეტ გვერდი, ხოლო ფეისბუკ გვერდზე მითითებულია - „გვერდი დროებით შეჩერებულია“. 20 კმ-ის მოშორებით დღეს 30 მილიონის ღირებულების ახალი მოედანი შენდება უეფას თასისათვის. ორივე პროექტი სრულიად უგეგმოდ და ყოველგვარი პერსპექტიული წარმოდგენის გარეშე ხორციელდება, რასაც მისი ბიუჯეტიდან მოვლით გამოწვეული გაფლანგვის ხარჯები ემატება.
ფოთი სრულიად გადაცემულია ჩინელებზე. იქ კონტეინერებით წარმოებს იმპორტ-ექსპორტი, რისი შემოსავალიც პირდაპირი გზით მიდის ჩინეთში. საქართველოს ბიუჯეტი აქედან პრაქტიკულად არაფერს იღებს. კონტეინერებით გადაზიდვაში მუშა-ხელიც კი თითქმის აღარაა საჭირო და ის სოციალისტური მოდელია და თუ მაინც ვინმე საქმდება, ისინი ჩინეთის მოქალაქეები არიან. ჩინეთი ახლა სატრანზიტო გზების ძიებაშია და რასაკვირველია თამაშობს, ჟონგლიორობს და ეძებს საშუალებებს, რაც მას პრაქტიკულად თითქმმის არაფერი უჯდება. საქართველო კი ჩინურ კომპანიებს იმასაც არ სთხოვს, დაასაქმოს საქართველოს მოქალაქეები.როგორც წესი, ევროპის ქვეყნები საკუთარი შრომის ბაზარს „შრომის კანონით“ არეგულირებენ, რაც იმას ნიშნავს, რომ ბაზარზე ჯერ ადგილობრივი ქვეყნის მოქალაქე საქმდება, ან გადამზადდება, კადრების არ არსებობის შემთხვევაში-იმპორტირებული მუშა-ხელი.
ევროკავშირმა საქართველოს ამჟამად კიდევ 500 მილიონ ევრო გამოუყო, ევროკავშირთან დაახლოების მიზნით. თუმცა ეს თანხა როგორ დაიხარჯება, არავინ იცის.
ამბობენ, რომ BIP ყოველწლიურად 4,3 %-ით იზრდება. სინამდვილეში საქართველოს ბიუჯეტი ყოველწლიურად 5 მილიარდზე (!) მეტ დეფიციტს აჩვენებს.
პატარა საწარმოები სახელმწიფოსაგან დახმარებას არ იღებენ.
ხოლო „Steuerfreie Zone“ ანუ ე.წ. თავისუფალი ეკონომიკური ზონის მოდელი რუსული წარმოშობის მოდელია. ასეთივე ეკონომიკური მოდელები არსებობენ აფრიკაშიც.
ყველაზე შემაშფოთებელი მაინც ისაა, რომ როდესაც ე.წ. ინვესტორები თავისუფალი ეკონომიკური ზონიდან გავლენ, ქვეყანაში უბრალოდ დიდ სიცარიელე დარჩება.
ერთადერთი უკმაყოფილება, რომელიც ჩინურ, სხვადასხვა ფირმებს უკან ამოფარებულ რუსულ კომპანიებსა და სხვადასხვა ჯურის მავნებელი ფირმების მიერ განადგურებულ ეკონომიურ სტრუქტურებსა და მომსპარ განათლების საშუალებებს გამოუცხადეს, პატარა ახალგაზრდების ჯგუფი იყო კასპში, რომელთა პროტესტი 21.01.18-ში (ლინკი კომენტარებში) ყურად არავის უღია. ამ ახალგაზრდების პროტესტიც ალბათ „არ გვინდა ჩინელები“-ს ფაშისტურ წამოძახებად მოინათლება მემარცხენე უფლებადამცველთა რიგებში. ხოლო ნამდვილ მიზეზებს - თუ რატომ გადაიწვა საგანმანათლებლო შენობები, რატომ არ აქვთ ახალგაზრდების განათლების და დასაქმების საშუალება, არავინ გამოიკვლევს!
ევროპის ინტერესში არაა საქართველოს დასუსტება და მისი ჩინეთ-რუსეთისათვის მიგდება სახრავი ძვალივით. ევროპაშიც ბევრი კორუპტი პოლიტიკოსია, რომელთაც ზედაპირზე ამოყვანა სჭირდებათ.
თქვენ უნდა დაიცვათ თქვენი ინტერესები!!!
მრავალი პარტიისაგან რაც დარჩა, კი ხედავთ.
ჩემის აზრით საჭიროა:
ბუნდესთაგთან კონტრმიმართვა ამ ამბის წინააღმდეგ.
1.კრიმინალები წარმოშობით საქართველოდან არ წარმოადგენენ ყველაზე დიდ ჯგუფს, ეს გერმანიის შინაგან საქმეთა სამინისტროს უკვე გამოიკვლია და შეაჯამა
2. მითითება, რომ საქართველოს ახლანდელი მთავრობა არ ატარებს საჭირო რეფორმებს განათლებაში და საერთოდ არ არსებობს ქვეყანაში სამუშაო ბაზრის დაგეგმვა, რაც განსაკუთრებით ლტოლვილის სტატუსის მაძიებელთა და კრიმინალთა რიცხვს შეამცირებდა გერმანიაში.
3. თავისუფალი დემოკრატების საქართველოში მოქმედი ფონდისაგან ასევე სიტუაციის ახსნა-განმარტება(ფრთხილად, დემოკრატიულ ფონდზე თავდასხმად არ გაასაღონ შემდეგ ეს ამბავი)
https://www1.wdr.de/.../visafreiheit-georgien-100.html
იტალიელები პროცენტულად 2, 7 % მაღალი მაჩვენებლთ უფრო მეტნი და ხშირად არიან კანონდამრღვევნი ქართველ 0,9%- თან შედარებით, იხ. გვ. 54. ბერძნები-1,1%.
https://www.bmi.bund.de/.../publikat.../2016/pks-2015.pdf...
აგრეთვე კარგი და ვრცელი მიმოხილვა უვიზო მიმოსვლის გაუქმებასთან დაკაბშირებულ დისკუსიაზე
(ვრცლად, მაგრამ თითქმის იგივეა)
(კარგ მთქმელს კარგი გამგონეც სჭირდება)
http://netgazeti.ge/opinion/252147/
ვიზალიბერალიზაციის წესები
https://www.facebook.com/tabula.ge/videos/1590821984280191/Verwalten
უკანონო მიგრაცია EU-ში გაგრძელდება, თუ არ იქნება წვდომა შრომის კანონიერ სქემებზე – IOM
http://netgazeti.ge/news/253250/?fbclid=IwAR1AW_NXERep_THi_QiK5JknOj926dLipgrVZFntSOt8Xaiow3_Cm_4K6i0
10 ათასამდე წევრით, აქედან ხუთი ათასით გერმანიის ციხეებში, გერმანიის ელიტის ზედა ეშელონებში მეგობრებით, რომლებიც ხელშეუხებელნი არაიან, საძმოს "წმინდა" ბიუჯეტით, წევრებისთვის ალიმენტ-სიციალური მომსახურებით,საიდუმლოს არ გაცემით, "აღმოსავლეთ ევროპელი მაფიოზები ამათთან ნაზი კვერცხები", ბრუტალურები, ურჩებისა და მათი ოჯახის წევრების მკვლელები, თითქმის ყველა არსებული დანაშაულს ჩამდენები, ღრმად ორთოდოქს მორწმუნეები, დისციპლინით, სტალინის 1930- იან წლებში დაარსებული "საძმო"- დღემდე ევროპელი სამართალდამცავების თავის ტკივილი-კანონიერი ქურდები-ანუ კანონის ქურდები.
Im Angesicht des Verbrechens. FOCUS Magazin | Nr. 23 (2017) https://www.focus.de/politik/deutschland/russische-mafia-diebe-im-gesetz-bei-meinen-bin-ich-ehrenmann_id_7210361.html
სტუმრად ჩვენს ეთერში: კახა გოგოლაშვილი
https://www.radiotavisupleba.ge/a/interview-with-kakha-gogolashvili/29041205.html?fbclid=IwAR0iKmoRXdezWCelFCvdWDdlD5GC4JqEW6hL63nloIEZMU83dr6yfThwBkA
ჩინელები ყიდულობენ ქართული ჩაის პლანტაციებს საქართველოს ბიუჯეტის ფულით
https://commersant.ge/?view=post&id=139307&lang_id=ge
სამინისტროების შემცირების მიუხედავად, მთავრობის ხარჯები 56 მილიონით იზრდება
http://www.tabula.ge/ge/story/127247-saministroebis-shemcirebis-miuxedavad-mtavrobis-xarjebi-56-milionit-izrdeba?fbclid=IwAR00x0dmyKvv2QMgoEuMwFWapjrFLfa3c_XPaoqJJ8md49XFh8mddD0gc5I
"ჩვენ განათლებული ერი ვართ, მაგრამ ცოდნა არ გვქონიაო"
https://www.facebook.com/alexandregauqmebulia.giorgishvili/posts/1832634203442822
ფოტოკომენტარი ჩემია. 2018 წელი.
კასპის ამბები: https://www.facebook.com/1839261739624701/videos/1941272059423668/?hc_location=ufi
#BDSMNATION - რუსეთი
რუსული ეკლესია მუდამ მტრულად იყო განწყობილი განათლებისადმი, რომლისთვისაც ცარიელი ეკლესიური რიტუალი უფრო მნიშვნელოვანი იყო, ვიდრე სქოლასტიკური სწავლება. ამიტომაც ის ვერასდროს გახდა სეკულარულად განმანათლებელი. დასავლური ცოდნის რუსეთში შემოსატანად მნიშვნელოვან როლს განმანათლებელი მღვდლები თამაშობდნენ, რომლებიც წარმოშობით პოლონეთ-რუსეთის საზღვარიდან იყვნენ. ასე თარგმნა ბერ სიმონმა, ბელორუსული პოლოცკიდან, დასავლური ლიტერატურა პოლონური ენიდან რუსულზე და პეტრე პირველის მამის, მეფე ალექსანდრე მიხაილოვიჩის კარის სტამბის უფროსი გახდა.ფეოფან პროკოპოვიჩი, უკრაინელი კლერიკალი და კიევის აკადემიის წევრი კი პეტრე პირველის კარის პოეტად დაწინაურდა.
პროკოპოვიჩმა კიევის აკადემიაში განხორციელებული თეატრალური ტრადიცია წამოიღო რუსეთში. ის თავადაც წერდა პიესებს, სადაც განმანათლებლობის ამბივალენტურობის იდეის საკითხი იდგა გამოკვეთილად. მის ტრაგიკომედიაში "ვლადიმირ" (1705) მაგალითად, რუსეთის გაქრისტიანება კიევის მთავრის მიერ აღიქმება, როგორც პეტრე პირველის მიერ განხორიელებული რუსეთის მოდერნიზაცია და ზემოდან დაწყებული განმანათლებლობა. კულტურის სეკულარიზაცია ახდენს ყოფილი რელიგიის, როგორც შუქურას უზურპაცია-დაპყრობას.ამით თეატრისათვის უკვე რუსეთშიც გზა გაიხსნა, სადაც ეკლესია თეატრს სატანისტურად ჰრაცხავდა: ჭეშმარიტ ქრისტიანს სახეზე ღიმილი არ უნდა დამჩნეოდა-დიდგვაროვანს ისევე, როგორც მდაბიოს. მდაბიოთათვის განსაკუთრებით იყო აკრძალული ყველა ტიპის ლაზღამდარობა და სიცილ-ხარხარი.
მხოლოდ პეტრე პირველმა გააუქმა თავისი ერთ-ერთი უკაზით აკრძალული სიცილი, რომელიც შუასაუკუნეობრივი რუსული ქრისტიანული სწავლების ნაწილი იყო.
კომიკასა და სატირას გზა გაეხსნა ხელოვნებასა და ლიტერატურაში, რაც განსაკუთრებით თეატრისათვის გახდა ნაყოფიერი.
პეტრე პირველმა შემოიღო რუსეთში ახალი წლის 1. იანვარიდან ათვლა და ასევე რუსეთის ფულის სისტემა ათობით სისტემაში მოაქცია მაშინ, როცა ევროპაშიც ბევრგან ჯერ კიდევ ოცობითი სისტემა იყო.
ინტელექტუალები, ელიტა-ვინ არიან ისინი და გვჭირდებიან თუ არა დღეს?!
„კულტურა, როგორც სჩანს, ბარბაროსობის საპირისპირო რამ არ არის. ის საკმარისზე უფრო მეტად სტილიზირებული სიველურეა […]. კულტურა ჩაკეტილობაა, სტილია, ფორმაა, განწყობაა, გემოვნებაა, გარემოს გარკვეული სულიერი წყობაა, ყველაფერი ის, როგორც არ უნდა გიჟური, უცნაური, ველური, სისხლიანი ან საშინელი იყოს იგი. კულტურას შეუძლია ქარიშხალს, მაგიას, პედოფილიას, ბუას (vitzliputzl), ადამიანურ მსხვერპლს, კულტურის ორგიებს, ინკვიზიციას, განაჩენს, ქორეას (ნერვული დაავადება), შხამით მოწამლვა-მკვლელობებს და ათასგვარ საშინელებებს მოიცავდეს.“ (თომას მანი)"
როდესაც სტალინმა 1932 წლის 26 ოქტომბერს მოსკოვის მწერლები გაქცეული მდიდარი ვაჭრის იუგენდ სტილით აშენებულ საუცხოო ვილაში შეკრიბა, რომელიც ახლა უკვე იტალიიდან „სოციალისტური რეალიზმის“ ასაყვავებლად მიწვეულ მაქსიმ გორკის ეკუთვნოდა, მათ ასეთი სიტყვებით მიმართა: „ჩვენი ტანკები არაფრად ღირს, თუკი სულები, რომლებმაც ისინი უნდა მართონ, თიხისაგან არიან. ამიტომაც ვიტყოდი, რომ სულების წარმოება უფრო მნიშვნელოვანია, ვიდრე ტანკებისა… და ამიტომაც ვწევ ჩემს ჭიქას თქვენთვის, მწერლებისათვის, სულის ინჟინრებისათვის.“
სტალინის სტრატეგიამ იმუშავა. ტერორისა და პროპაგანდის თანდემმა 1933 წლისათვის ქვეყანას ადამიანთა მიერ ხელით გათხრილი 227 კილომეტრიანი ბელომორის არხი შესძინა. მუშა ხელები 220 ათასი გულაგის ტყვისა იყო, რომელთაგანაც ათიათასობით იმ არხშივე ჩაიმარხა. სწორედ ამ დროს აღმოცენდა კანონიერი ქურდების ინსტიუტიც, რომლებიც ამ მშენებლობის შიდა სამზარეულოს დამატებით აკონტროლებდნენ. 122 ინტელექტუალმა კი 38 დღეში ბელომორის არხის „ი.ბ. სტალინის მეთაურობით დიდებული მშენებლობის ისტორიას“ ასეთივე „დიდებული“ წიგნი მიუძღვნა.
ზოგადად ბუნებისა და კერძოდ კი, წყლის მოთვინიერება, სსრკ აგენდის ერთ-ერთ პირველ პუნქტად იქცა. დღესდღეობით დასავლელ მკვლევარებმა უკვე იციან, რომ საბჭოთა კავშირში ხშირად 50/70 პროცენტამდე წყალი უბრალოდ მიწაში იკარგებოდა ამ გადამკვალავ სამუშაოებთან ერთად. გარდა ამისა, მიწის მილიონობით ჰექტარი იტბორებოდა და შეუქცევადად ნადგურდებოდა როგორც ფლორა, ისევე ფაუნა, ხოლო დარჩენილ წყალს ზუსტად იმდენივე ენერგიის გამომუშავება შეეძლო, რასაც, მაგალითად, იმავე ადგილიდან აღებული ნამჯის დაწვა და მის მიერ გამოყოფილი სითბო შეძლებდა, რომლის თვალსაჩინო მაგალითია ე.წ. გიგანტური პირველი ჰესის„დნეპროჰესის“ დღესდღეობით გამოთვლილი პროდუქტიულობა. ასეთივე კონტრაპროდუქტიული აღმოჩნდა ვოლგის ახლომდებარე ე.წ. კუიბიშევის ზღვა, რომელმაც უბრალოდ დაალპო მიმდებარე ტერიტორია და მდინარეში კი წყლის დონე კატასტროფულად დასწია.
მაშინ არავინ ფიქრობდა არც ეკონომიაზე და მით უმეტეს არც ეკოლოგიაზე. გიგანტური წყლის პროექტებს კი 1950-იან წლებამდე საიდუმლო პოლიციის ქვედანაყოფები კურირებდნენ. დაგეგმილი იყო კიდევ ბევრი სხვა „შესწორებები“ ლანდშაფტში: „დაე, ციმბირის ბანჯგვლიანი გულმკერდი ქალაქის ცემენტის ტანკებით შეიმოსოს, გამოცდილი ქვის შენაკადებითა და ფაბრიკის საკვამურებით, გადაიკოჭოს რკინიგზის ტრასებით. ტაიგა დაიფერფლოს და გაიჩეხოს, სტეპი დაიჭყლიტოს, დაე, ეს გარდუვალია. აი, მაშინ კი, მხოლოდ ცემენტსა და რკინაზე აღმოცენდება ადამიანთა ძმური კავშირი […]“- ეს ვ. სასუბრინის 1926 წლის სიტყვებია.
1966 წელს შვედ ბიოლოგმა აღმოსავლეთის ზღვაში ჯერ თევზებში, შემდეგ კი არწივის ბუმბულებში უაღრესად საშიში ქიმიური ნივთიერება PCB (პოლიქროლიზირებული ბიფენოლი) აღმოაჩინა. მსოფლიოსათვის ცნობილი გახდა სიცოცხლის ახალი მტრის სახელწოდება- PCB. ნივთიერების უმცირესი დოზაც კი საკმარისია, რომ მთელი ფაუნას გამრავლება შეწყდეს. გრამის მემილიონედი ნახევარი ლიტრ წყალზე საკმარისია, რომ მთლიანი ოკეანე გაუკაცრიელდეს. PCB - ს წარმოება მთელს მსოფლიოში აიკრძალა. 1974 წელს კი ხელი მოეწერა ჰელსინკის აღმოსავლეთის ზღვის შესაბამის შეთანხმებას. საბჭოთა კავშირმაგანაცხადა, რომ ამ ნივთიერებას არ აწარმოებს და არც მომავალში დააპირებს. 1976 წელს კი ჰიდრომეტეოროლოგიისა და გეოფოზოკის ერთმა თანამშრომელმა, საბჭოთა კავშირის მდინარეების წყლების კვლევა დაიწყო. PCB სსრკ-ს პრაქტიკულად ყველა მდინარეში აღმოჩნდა, ხოლო ნივთიერების შესახებ ინფორმაციას საიდუმლოდ ინახავდა თავდაცვის სამინისტრო, რომელიც, როგორც გაირკვა, PCB -ს იარაღის საწარმოებლად იყენებდა. რასაკვირველია ნარჩენებს უდარდელად რეცხავდნენ მდინარეებსა თუ ზღვებში. ისევე, როგორც მაგ. აზერბაიჯანში, ნავთის ნაკლები საჭიროებისა და შესაბამისად მისი ნაკლები მოცულობით წარმოების მაგიერ, რასაც ლოგიკურად მუშათა ხელფასის დაკლება უნდა მოჰყოლოდა, ჩვეულებრივ მაქსიმალური ნავთობის რაოდენობის წარმოებას აგრძელებდნენ. რასაც ვერ ითვისებდა ინდუსტრია, პირდაპირ ეშვებოდა კასპიის ზღვაში. ამ ტიპის ბრძანებებს კი, როგორც წესი, ჩვეულებრივი ბრიგადირი იძლეოდა. აზოვის ზღვაში დღეს დაჭერილი თევზი მეორე მსოფლიო ომის შემდგომ დაჭერილი თევზის რაოდენობის 0.011 %-ია. ერთ დროს ეს ზღვა მსოფლიოში ყველაზე ნაყოფიერი ზღვა იყო და სამჯერ მეტს თევზს იძლეოდა, ვიდრე აღმოსავლეთის, კასპიისა და შავი ზღვები ერთად აღებული. მიზეზი ზღვაში ჩარეცხილი ბორისა და ბერილის ნარჩენებია. 1975 წელს გამოშვებულ სსრკ-ის ჟურნალ „ჯანმრთელობა და ჰიგიენა“-მ ერთ-ერთი ქალაქის წყალში ბორის მჟავის შემცველობა გაასაჯაროვა. ციფრი ლიტრზე 0,5-დან 5 მგ-მდე მერყეობდა. ქალაქის მოსახლეობის შესაბამისი ასაკის მამრობითი სქესის დაახლ. 50 % შეუქცევადი იმპოტენციით იყო დაავადებული. მაშინ, როდესაც ამერიკელმა მეცნიერებმა 17 ათასამდე მავნე ნივთიერება და შენაერთი დაადგინეს, საბჭოთა კავშირმა 300 ყველაზე მომწამლველი ნივთიერებიდან საკუთარ ტერიტორიაზე მხოლოდ 15 ნივთიერება „აღმოაჩინა“ და რამოდენიმე თვეში „სტრატეგიული ინფორმაციის“ შენახვის საბაბით დატოვა სტენფორდის შეთანხმებაც.
დოტაციაზე მყოფი მწერლები, ხელოვანები, კულტურის დამსახურებული მოღვაწეები, ერთის მხრივ და მეორეს მხრივ ბუნების, ეკოლოგიისა და მოსახლეობის ბატონ-პატრონი ბრიგადირები, პარტ.მუშაკები - ეს საბჭოთა კავშირის მიერ მიღწეული საზოგადოების „პროგრესული“ მოწყობაა, სადაც მღვდელი და ეკლესია „წარსულს ჩაბარდა“.
ევროპაშიც მღვდელს ინტელექტუალი ანაცვლებს, თუმცა!…
იქ 1960-იანი წლებიდან მედიცინისა და ტექნიკის შეუქცევადი განვითარება იწყება. ინტელექტუალი ჯერ ისევ საზრდოობს თავისი კრედიტებით. მისი სათამაშო არეალი სოციალური კონფლიქტებია. მხოლოდ მან იცის, თუ რა არის ადამიანისათვის სარგო, ან საზიანო. მისი მთავარი დავალება მისი შეგრძნება და სუბიექტური, მისი სააზროვნო სისტემიდან აღმოცენებული წესრიგის ნორმების საზოგადოებისათვის პრეზენტაციაა, თავისი ავტორიტეტეტის წყალობით თავისი მორალური და ეთიკური ნორმების დადგენა და გახმოვანებაა. მაგრამ მისი ეს როლი უკვე საუკუნეებს ითვლის და ამდენად მწუხრის ჟამსაც. კომპლექსური საზოგადოებისათვის, სადაც საგნისა და დარგის სპეციალისტები, სტატისტიკა და თანამედროვე მეცნიერული ინსტრუმენტებია საჭირო, იგი უკვე არამცთუ გამოუსადეგარი, არამედ პროგრესის მუხრუჭიცაა.
როგორც ცნობილია, ინტელექტუალები ყველაზე ამორალური და უპრინციპო ხალხია. ასე იყო ნაციონალ-სოციალისტურ გერმანიაში, სადაც ფაშიზმის დამცველებად პირველნი სწორედ სტუდენტობა და პროფესორები მოგვევლინენ. სწორედ მათ გააჩაღეს საერთო-სახალხო აღმზრდელობითი საქმიანობა დისციპლინისათვის, ქვეყნის ეკონომიური კრიზისიდან გამოსაყვანად. პარადოქსია, თუმცა ჟანრის კანონის თანახმად, იგივენი უდგებიან სწორედ ოპოზიციასაც ავანგარდში.
საქართველოში კი თანამედროვე ტექნიკის მიღწევების ნაცვლად ფოლკლორის ზეიმია. იქ, სადაც ბავშვები სპორტითა და განათლებით უნდა იყვნენ დაკავებულნი, ისინი მოძველებულ ენაზე ლიტურგიასა და ქუჩურ გარჩევებში არიან ჩაბმულნი. ქვეყანაში, სადაც ეკონომიკის სამინისტრო ცალკეა და ენერგეტიკის მინისტრს თავისი სავარძელი აქვს, ნიშნავს იმას, რომ მათგან არც ერთს არ აქვს წარმოდგენა, თუ რა ფუნქცია და ურთიერთკავშირში აქვს ენერგიასა და ეკონომიკას. იგივე ითქმის უკლებლივ სხვა დანარჩენ დარგზეც.
სივრცისა და დროის მიღმა გათრეული ქვეყანა ორი, ყველაზე დიდი რუსეთის აგენტის-ილია მეორესა და ბიძინა ივანიშვილის საჭიდაო მოედნადაა გადაქცეული საკუთარი გუნდითა და გულშემატკივრებით, სადაც ერთის მხრივ საბჭოთა ბნელი ელიტა და ინტელექტუალები, ხოლო მეორეს მხრივ მღვდლები და მრევლი ერთმანეთს მუშტებს უღერებენ, გარეთ კი 21 საუკუნეა.
შენიშვნა: ხშირად, თვით საგაზეთო სტსტაიების ქვეშ არაა მითითებული წელი, როცა მითითებულია თვე და დღე ან პირიქით.
გამოყენებული ლიტერატურა:
„Soll doch die Taiga eingeäschert werden“. DER SPIEGEL 46/1979. წყარო: http://www.spiegel.de/spiegel/print/d-39867245.html
Traum, Reiner: Die Ingenieure der Seele. 01.10.2003. წყარო: http://www.spiegel.de/spiegelspecial/a-272693.html
ფოტოკომენტარები:
1. რა უსურვა პატრიარქმა ბიძინა ივანიშვილს? წყარო: https://pia.ge/post/233589-ra-usurva-patriarqma-bizina-ivanisvils-
2. ბიძინა ივანიშვილმა კათოლიკოს პატრიარქს უმასპინძლა.2013-09-13. წყარო: http://www.newposts.ge/?id=19245
3. საქინფორმი: „საათი, რომელიც პატრიარქმა ილია მეორემ პრემიერ ივანიშვილს აჩუქა, ქართული წარმომავლობის რუსი ბიზნესმენის მიერ არის ნაყიდი, და არა ქართული მართლმადიდებელი ეკლესიის ფულით“. წყარო:
http://saqinform.ge/news/15948/saqinformi%3A+„saaTi%2C+romelic+patriarqma+ilia+meorem+premier+ivanishvils+achuqa%2C+qarTuli+warmomavlobis+rusi+biznesmenis+mier+aris+nayidi%2C+da+ara+qarTuli+marTlmadidebeli+eklesiis+fuliT“.html
იხილე აგრეთვე:
ოცი მილიონიც რომ დაჯდეს მზად ვარ ბათუმში მეჩეთის მშენობლობა დავაფინანსო - ბიძინა ივანიშვილი
http://www.newposts.ge/?l=G&id=117773-ივანიშვილი%2C+დაფინანსება&fbclid=IwAR0CZhfqRpIJTBhDVo6bsTorukPqES5swcezyfCMEDrcCb1hvKw7z56XE-k
იხილე აგრეთვე:
ოცი მილიონიც რომ დაჯდეს მზად ვარ ბათუმში მეჩეთის მშენობლობა დავაფინანსო - ბიძინა ივანიშვილი
http://www.newposts.ge/?l=G&id=117773-ივანიშვილი%2C+დაფინანსება&fbclid=IwAR0CZhfqRpIJTBhDVo6bsTorukPqES5swcezyfCMEDrcCb1hvKw7z56XE-k
Abonnieren
Posts (Atom)